姚焯菲（Chantel）以14歲之齡於2020年參加首屆《聲夢傳奇》贏得亞軍，及後加入樂壇至今推出過數支單曲，而今年就遠赴紐西蘭升學，趁休假返港推出第四首個人作品《小出走》。今年九月才17歲的Chantel，早前就接受電台節目《星光背後》專訪，談及成長背景，分享了一路走來的心路歷程，更公開理想男友三大條件！
姚焯菲指自己與公司及父母已有五年計劃，及至21歲於紐西蘭唸完大學期間，每逢長假期也會回港出歌。至於身在紐西蘭「無王管」，父母有否嚴禁她拍拖？那邊有沒有追求者？16歲的Chantel就一臉認真說：「我讀女校住女生宿舍，朋友全是女仔。父母亦知我大個女，沒有怎提點。」
至於她的理想男友條件，Chantel說：「專一最重要，其次是有禮貌及性格要謙虛，我遇過亦最唔鍾意那些自大，自以為有錢就不斷炫耀的男仔，就算他幾好樣都唔鍾意！」少女情懷總是詩，問Chantel恨唔恨有拖拍，她再堅定的說：「其實沒所謂，但現在的我很想自己一個人，真係唔好搞我！因為我好想專心做我要做的事，好想專心讀書，亦好想專心工作，而家就算有一個男仔來，我都會說拜拜！No！」
姚焯菲出身富裕家庭，談及成長背景，她坦承兒時曾幻想當演員，但母親自小管教極嚴，一直反對她發明星夢，而爸爸較任由女兒發展，協助她參戰《聲夢傳奇》純希望為女兒增加人生經驗，全家人都沒想過她能成名殺入三甲。
Chantel說：「我無學過唱歌，比賽零經驗，面試時已心知Gigi一定是冠軍，Gigi她好得意，總是唔出聲，但一開口唱歌，就好犀利全場都震驚。我是只於比賽過程慢慢進步，多謝JW老師等多位導師指導我，亦多跌入過危險區，才了解人生總不會順利。」
兩年前15歲孖住戰友炎明熹一起出歌橫掃新人獎，名利在望卻毅然離港升學，Chantel坦承最初曾極反對父母的決定，她說：「一開始是有擔心，好地地無需要走，最初更反對去紐西蘭，會不開心、會嘈架！因為之前不認識紐西蘭，以為只有一片草地及好多羊，羊可能多過人，會好悶好唔鍾意！但父母帶了我去一次，才知是城巿才安心才開始計劃。」
對於過往有不少藝人歌手離開娛圈再回來要面對人走茶涼的現實，Chantel說：「最初都有擔心，但現在時代科技不同了，在那邊我鍾意開live就開live，何時想出po就出po，我兩個月又返來一次，在那邊可以專心讀書，放假又專心做歌，是可以平衡到，最重要這次回來我真心覺得自己成長及獨立了，這才是最大得著。」
同場加映：【今期Chill抵】沙田萬怡酒店自助餐買一送一！人均$221起歎即開生蠔/胡椒炒龍蝦！送蒜茸牛油虎蝦
圖片來源：IG@姚焯菲、《星光背後》
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
