近幾年流行綠色家居，唔少人都會喺屋企種植，唔單止可以裝飾環境，呼吸嘅空氣都fresh啲啦～不過種植盆栽學問多多，作為種植新手相信都有好多疑問，所以今日就帶大家去間植物店，向大隻型男店主請教下種植嘅小貼士啦～
原來大隻型男店員—植植仔係店主Oliver用AI生成嘅人物嚟，原因係想為小店整個YouTube頻道，但又唔想自己出鏡，所以就有咗植植仔嘅出現啦。店主都好誠實咁話植植仔100%係主觀意願嘅投射，仲受歡迎過店內所有植物𠻹啊！
植物盆栽推介
如何判斷植物適宜擺室內或室外取決於植物嘅耐曬程度，襟曬啲嘅植物冇咁易曬燶嘅，可以擺喺室外。如果容易曬燶葉嘅植物，通常都會擺喺室內直曬唔度嘅地方。
比較鍾意曬太陽嘅植物包括：小豆樹、藍花楹、黃金春雨、黃金火之戒蔓綠絨
適合擺放於室內嘅植物，多數其原生環境都係比較暗嘅，如森林較低嘅位置，可選擇龜背竹、火鶴及毬蘭。
有啲植物的而且確係有毒嘅，原因喺身處大自然之中需要保護自己，唔好被蟲或其他動物咬到～如果要揀一啲無毒，對寵物友善嘅植物多數可以考慮毬蘭或竹芋。
種植新手推介合果芋，其疫能力比較高，淋水淋密咗唔易爛根，或者一個禮拜左右唔記得淋水都唔會即刻成棵枯死。植物喺相對嚟講唔適合自己嘅環境之下，仍可以生得靚，就算係易種嘅植物。
一般家居而言，如果蚊蟲唔係好嚴重的話，只需將苦楝油噴喺植物或泥土之上，就能足夠驅趕蚊蟲。如有蚊滋喺盆栽上飛嚟飛去，就可以用木碎或石碎封住泥面，令蚊蟲唔能夠喺泥上面繁殖，漸漸就唔會再滋生。
種植失敗嘅原因多數都係環境唔適合棵植物或者淋水方法唔啱，譬如有啲植物原生於高山地方，相對嚟講氣候較涼，香港嘅夏天可能對佢哋會太熱，夏天時可能會生得比較差～淋水方面，最緊要就係配合返環境、天氣同埋植物嘅需要，如天氣熱時，淋水要密啲；天氣涼時，淋水就要疏返啲。
唔同品種嘅植物都有不同習性，植物變黃或凋謝冇一定嘅對應方法，但可以從淋水、通風、光照及溫度，呢4大要點搵到植物生得差嘅原因出嚟。
有啲品種可能喺環境比較唔理想嘅時候會選擇休眠，明顯落哂啲葉，睇落好似死咗咁，眼看只剩下泥土，但其實根部仍健在。只要等到環境理想時，就會慢慢生返新葉出嚟。店主建議大家可以先上網翻查資料，了解植物本來嘅習性。
【INFO】
植仔 Plantjai
地址：銅鑼灣駱克道470號2樓
電話：66807550
text/bee
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
