燒肉放題「食唔晒」被罰$200!港男發文公審反遭圍攻!餐廳列3點霸氣回應

文: 黃樂恩
2023.06.16

最近有網友在討論區發文,指自己在銅鑼灣一間燒肉放題店「比人屈左(咗)$200」,更控訴店內食物質素普通、「成間鋪都係煙」等,試圖公審涉事店舖。該帖文一出即引來網民關注,不過大部分人認為燒肉店做法合理,反而鬧爆樓主「抵你比人罰啦」、「阻住下家燒野食」,而涉事餐廳其後列出3點回應今次事件,有興趣可入內文睇睇啦!

早前有男網友在LIHKG討論區以「食個燒肉放題比人屈左(咗)$200」為題發帖,指自己最近與兩名好友在銅鑼灣「熊本燒肉」食燒肉放題,當時他們見這間餐廳在網上有800多個好評,「諗住應該都可以試得過啦」,於是決定訂位用餐。當日到場後,樓主與兩名好友惠顧$336的澳洲和牛放題套餐,並以$28加購刺身放題,每位價錢加起來約$400。

不過樓主就不太滿意餐廳的用餐環境,「我第一個感覺係好大煙,啲煙大到好似冇吸過咁」,他表示當時餐廳用餐人數不多,只有10多枱客人,沒想到「成間鋪都係煙」。另外,他又認為放題套餐食物質素普通,只有幾款肉好食,甚至表示「普遍黎講我覺得唔值呢個價」,而且店員的態度不好,換燒烤網時還差點撞到他的眼睛。

但讓樓主最不滿是放題時間快結束時,有位男店員通知他們「先生你地仲有幾分鐘就夠鐘喇喎,不過我睇你地都食唔哂架啦,見你地都浪費左好多食物,而家要按返重量收費」。幾分鐘後,店員便將剩下的食物拿走磅重,並按食物重量加收$200費用。其後樓主在帖文中附上當晚吃剩食物及帳單的相片,他認為自己所剩下的食物份量不多,並控訴店內的燒烤爐「燒得幾慢」,所以才會在last order時多叫了些食物,沒想到餐廳「一到120分鐘就即刻唔比你燒」,質疑該行為無疑是「屈錢」,於是決定網上發文公審涉事燒肉店。

帖文一出,隨引起大批網民討論,大部分人認為燒肉店做法相當合理,更有不少網民留言鬧爆樓主「食淨咁多野 抵你比人罰啦」、「樓豬唔識控制時間燒架咩 阻住下家燒野食 都未叫你賠時間比下家」、「佢唔捉你係人情,捉你係道理」。

但亦有部分網民同情樓主的遭遇,並留言表示「二百蚊肉都加一?」、「以為呢啲放題食剩收費係講下姐,點知真係會有人收」、「夠鐘趕我走唔係問題,而係如果呢個份量已經要200,咁平時啲學生哥去食咪隨時要比多千幾蚊?」、「雖然你係唔啱 但餐廳咁認真計又真係有啲串」。

涉事燒肉店「熊本燒肉」日前在其Facebook專頁留言,並列出3點回應今次事件,餐廳首先就事件對顧客造成不滿而致歉,並指出$200(*沒有收取加一服務費)為顧客帶走肉類的收費,不是浪費食物的罰款。餐廳補充道,店員當晚曾禮貌地建議樓主加長用餐時間,但樓主提出取走剩下肉類,「同事詢問經理後提出需要收取$50/100g之費用,而顧客亦當場同意付款,沒有表達任何不滿」。最後餐廳也提到,若顧客在燒烤過程遇上任何困難,引致時間不足以享用食物,本公司會彈性處理,延長客人的用餐時間,務求讓顧客滿意。

來源:LIHKG討論區

同場加映:【今期Chill抵】沙田萬怡酒店自助餐買一送一!人均$221起歎即開生蠔/胡椒炒龍蝦!送蒜茸牛油虎蝦

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓