結婚係人生大事，特別對女生而言心目中一定會有個夢想婚禮，但係夢想還夢想，夠唔夠錢最實際！喺香港搞場婚禮至少都要6位數字，有啲要求高嘅新人總開支分分鐘超過7位數。睇完唔少過來人網友分享，綜合出5大搞婚禮慳錢貼士，各位準新人不妨參考吓！
============
同場加映：
【家居達人】潮濕天氣保養鞋履6招 著2日擺3日？塞報紙免發霉！
============
1. 婚姻登記處註冊︰一切從簡！直接在政府婚姻登記處禮堂簽字及行禮，辦公時間收費為 $1,020 港元，星期六下午或星期日等非正式辦公時間收費則是 $2,240 港元。相反，聘請證婚律師至少 2 千元，若是聘請出名證婚律師則至少 6千元！如果時間行程允許，不妨在婚姻登記處註冊，已可節省至少 $1,200 港元。
2. DIY 婚禮裝飾︰上至兄弟姊妹團嘅襟花、餐桌裝飾，下至舞台佈置、相框、回禮禮物等通通可以喺淘寶網或 Carousell 買到，但就要辛苦兄弟姊妹團花時間幫手佈置喇！除咗買新用品之外，原來坊間更有一啲「幸福傳承」群組，新人之間互相傳承仲好新淨嘅婚禮用品，環保又慳錢！
3. 結婚場地︰香港搞婚宴嘅場地愈來愈多，除咗傳統酒樓、婚宴專門店以及豪華酒店外，唔少簡簡單單食餐飯嘅新人可以考慮現時流行嘅西式自助午宴或者 Cocktail Party，唔只相較於晚宴平好多，形式亦比較 casual，啱晒年輕人！
4. 參加婚展︰香港每年都會有唔少婚展，大部分參展商會即場推出多款限定優惠套票，大家可以從中選擇符合自己預算嘅配套，同時亦可一次過比較不同參展商的價錢及服務。一條龍服務比起分開搵唔同嘅攝影師、化妝師、場地佈置等便宜。
5. 婚紗禮服裙褂租借為主︰婚紗、裙褂一生人只穿一次，建議準新娘禮服以租借為主。兄弟姊妹團的禮服亦是，小編做過 5 次姊妹，每一條裙都係婚禮當日著完就扔，相當浪費！其實如果兄弟姊妹唔介意的話，坊間好多舖頭有得租借，價錢 $200-$300 不等，比起訂做每條都慳到百幾蚊㗎！
Text/Circle
Photo/laurinda_ho、shi_ga@IG
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
