好多公屋居民都有意購買公屋單位，售價相宜當然係一大原因，因此經常供不應求，但房委會資助房屋小組委員會剛剛通過咗恆常化出售租者置其屋計劃回收單位，而新一批租置計畫回收單位，將會喺「出售居屋單位2023」銷售計畫中出售，暫定於今年中接受申請，究竟詳情係點呢？
============
同場加映：
【家居達人】潮濕天氣保養鞋履6招 著2日擺3日？塞報紙免發霉！
============
房委會發言人表示，鑑於租置計畫回收單位喺過去兩次銷售計畫中反應熱烈，經檢討後，為加快出售租置屋邨未售出單位，決定恆常化出售租置計畫回收單位。而未來出售嘅租置計劃回收單位，目標買家定為有綠表資格人士，以及「特快公屋編配計劃」下嘅合資格申請人。而新一批租置計劃回收單位，將在「出售居屋單位2023」銷售計劃中出售，暫定今年年中接受申請。房委會委員黃碧如表示，買家喺通過屋邨協商安排獲得許可後，係可以有權「睇樓」，但只有2次睇樓及揀樓機會，並需於睇樓後翌日作決定，如果兩次睇樓後仍然唔滿意，就會視為放棄名額。
未來出售嘅租置計劃回收單位，目標買家定為有綠表資格人士，以及「特快公屋編配計劃」下嘅合資格申請人。
新一批租置計劃回收單位，將在「出售居屋單位2023」銷售計劃中出售，暫定今年年中接受申請。
約32,000個單位未出售 售價由14萬至123萬
首批約800個租置計劃回收單位已在「出售綠置居單位2020/21」下全數售出，而第二批約500個租置計劃回收單位，亦已經喺「出售居屋單位2022」下出售，只有6個單位未售出，售出率約99%。而喺總數約184,000個租置計劃單位中，約32,000個單位仍未售出，售價由14萬元至123萬元不等，平均售價約為50萬元。
港島南區嘅華貴邨，為出售租置計劃其中一個屋邨，座擁無敵海景。
沙田顯徑邨位置良好，過往喺出售租置計劃中亦係極受歡迎嘅屋邨。
而房委會會繼續透過居屋或綠置居銷售計劃，出售租置計劃回收單位，假若居屋或綠置居銷售計劃結束後，仍有未售出嘅租置計劃單位，房委會就會喺緊隨其後嘅「特快公屋編配計劃」出售有關單位。考慮到推行銷售計劃嘅成本效益，房委會未來會喺租置計劃回收單位達到一個合理數目後，先會喺居屋及綠置居銷售計劃出售租置回收單位。
此外，出售租置計劃回收單位時，房委會會沿用現時租置計劃嘅定價機制同轉讓限制，同時為保確定性，會沿用前兩次銷售計劃嘅安排，喺整個銷售計劃期間，凍結該銷售計劃所推售租置計劃單位嘅定價，不會按兩年一度嘅恆常定價檢討作調整。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
