每年6至8月係榴槤當造季節，而著名品種除咗著名嘅貓山王及金枕頭之外，其實馬來西亞出產嘅黑刺榴槤先係真正最高級嘅品種，現時香港售價大約要三百至四百多港元一個，但有市民向節目《東張西望》投訴，有網店訛稱以低於市價嘅批發價出售黑刺榴槤，點知發現被騙，榴槤迷要小心！
============
同場加映：
【家居達人】家居植物盆栽推介 新手種咩好？專家教防蚊方法、種植4大要點
============
黑刺榴槤產地為馬來西亞，算是近年新培育嘅品種，暫時算是各個榴槤品種之中最濃味嘅一種，而且口感幼滑，加上產量極少，故售價特別貴。而黑刺榴槤外型上嘅特點，係底部會有個凸出嘅黑色刺。
馬來西亞產嘅黑刺榴槤，味道香濃兼口感幼滑，是最頂級嘅榴槤品種。
黑刺榴槤產量極少，售價差不多係貓山王嘅兩倍。
黑刺榴槤外型上嘅特點，係底部會有個凸出嘅黑色刺。
有市民陳小姐向《東張西望》投訴，話喺網店見有黑刺榴槤大減價，店家聲稱自己乃批發，攞貨比較平，$1,500就會有10至12公斤，而且可以送貨，所以就同朋友夾份買一箱。陳小姐信以為真，並且「唔小心」過咗兩次數畀店方，合共$3,000。事後陳小姐立刻Whatsapp要求對方退回畀多咗嘅錢，但網店一直「已讀不回」，陳小姐及朋友在網上翻查，方知原來呢個電話及公司地址，以前都曾有行騙記錄！節目組多次致電聯絡呢間網店，但無回覆。但事主再次扮買家去聯絡呢間網店，對方竟然有回覆！證明該網店仍然繼續活躍，繼續行騙，大家要小心！
事主陳小姐就係見到呢間網店嘅黑刺榴槤售價極平，唔小心過咗兩次錢後，先發現店方有問題。
陳小姐喺網上翻查資料，先發現呢間網店已有多次行騙記錄。而網民亦分享買榴槤最好幫襯實體店，一手交錢，一手交榴槤就最安全。
text/Joyce
photo/電視畫面截圖、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
