早前有網民在「香港兩餸飯關注組」分享，大埔一家兩餸飯餐廳，竟然可以選擇鮑魚做餸兼無須加錢。樓主直言「很滿足」，亦有網民留言「良心老闆」、「街市都要10蚊隻」、「正喎」。不過，帖文被轉載至連登討論區後，不少網友持不同意見，即刻睇睇雙方點講喇！
雙餸飯最重要當然論餸菜選擇喇！日前有網民在惠顧大埔一間$35雙餸飯餐廳時，發現餐廳供應鮑魚做餸，每2隻當一餸，無須另外加錢。網民認為相當實惠，更直呼「很滿足」。其他群組內的網民大讚老闆佛心，留言「街市都吾止呢個價」、「街市都要10蚊隻」、「苦中一點甜」等，甚至有人祝店主早日開分店。
帖文之後被以「嘩！兩餸飯已經進化到有貴價鮑魚做餸！！！」為題轉載至連登討論區，不過網民反應一般，似乎未感驚喜。有網民表示「急凍死貨，批發$2一粒」、「鮑魚本身就唔值錢，乾鮑貴係因為工序多先變成貴價食材」、「兩餸飯通常食倉底霉晒果批」。
雙餸飯最重要只是啱自己口味，有網民回應雖然鮮鮑不貴，但「2餸飯有得食都算係咁啦」、「起碼有花心思去搵批發拎貨」。而餐廳則在昨日貼出新鮮鮑魚片段，回應用急凍貨傳言。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
