有句俗語叫「遠親不如近鄰」，但如果閣下有個疑似精神有問題嘅鄰居，每日不分早晚用拐杖大力敲打你嘅鐵閘，仲不斷大聲辱駡你全家，搵過警察及向管理員投訴，但大家都叫你忍吓，你會點樣做？不妨睇吓《東張西望》嘅類似個案！
============
同場加映：
【家居達人】專家教洗冷氣機7大必知 滴水點處理？
============
節目中嘅事主文小姐，家住鳳德邨多年，但住喺對面嘅獨居婆婆，幾年前開始就不時用手拍打文小姐嘅鐵閘一至兩分鐘，話文小姐趁佢唔喺屋企時，入屋偷佢錢、手袋及衣服等，而且近年更演變成不分早晩，廿四小時都隨時會用拐杖，大力撞打文小姐嘅鐵閘，每次長達四至五分鐘，並大聲辱駡文小姐「絕子絕孫」等，疫情期間又向文小姐家嘅鐵閘吐口水，又或者打翻文小姐門嘅地主香爐，不單令文小姐全家長期失眠，甚至同層鄰居都感到非常滋擾！
事主文小姐對面嘅獨居婆婆，每日不分晝夜，用拐杖大力敲打文小姐家嘅鐵閘，並且大聲辱駡文小姐「絕子絕孫」等。
婆婆嘅行為不單令文小姐全家長期失眠，亦令同層其他住客都好困擾。
文小姐強調自己及家人絕無做過偷竊行為，亦以屋企門口閉路電視拍低婆婆嘅長期怪異行為，並且搵過警察，但警察表示婆婆年老，就算去到警局，亦應該好快會放回家。文小姐亦搵過大廈管理員跟婆婆及婆婆家人作調停，但亦無效。
節目組搵到婆婆，婆婆仍不斷駡文小姐入屋偷錢及衣服等。
文小姐曾經報警，又試過搵大廈管理員，但大家都建議私下和解。
當《東張西望》節目組實地採訪時，剛好婆婆嘅女兒及女婿上門到訪，節目組追訪婆婆女兒究竟知否母親嘅行為不斷騷擾鄰居，誰知婆婆女兒表示知道，並話婆婆有睇醫生及定時食藥，但又唔肯住老人院，女兒亦無回答點解無搬回鳳德邨跟母親同住照顧，或者接走母親跟自己同住。只係不斷向鄰居道歉，希望鄰居們了解母親病況及體諒。
婆婆女兒上門探望患病母親，指母親有睇醫生兼食藥，並叫鄰居體諒。
多聊天及外出活動 改善認知障礙症
《東張西望》節目組將婆婆嘅行為片段交畀內科專科醫生陳鎮中睇過，陳醫生表示婆婆經常「幻想」別人作出傷害自己嘅行為，有機會係患上妄想症，如果如家人所講，認知能力有問題嘅話，很大機會係患上認知障礙症。至於如何可以減低婆婆作出滋擾鄰居行為，陳醫生表示要搵出婆婆作出呢啲行為背後嘅真正原因，點解會引發到婆婆有呢類行為，否則就一定要食藥。其實如果家人多與婆婆外出參加活動，或者只要多聊天，都可以有助減輕病情。至於香港認知障礙症協會主席吳義銘醫生就表示，該會有日間中心，病患者可以前去作日間活動治療，對整體病情會有改善。
內科專科醫生陳鎮中表示婆婆好大機會係患上認知障礙症，要搵出誘發婆婆作出滋擾行為嘅原因外，其實多和婆婆聊天及外出活動都有幫助。
香港認知障礙症協會主席吳義銘醫生表示，該會有日間中心，病患者可以前去作日間活動治療。
【INFO】
香港認知障礙症協會
網址：www.hkada.org.hk
text/Joyce
photo/電視節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
