近年嚟推出咗唔少智能家居電器，好似智能門鎖、掃地機械人及窗簾機器人等，的確令生活上大大小小嘅事情都便利咗好多。而今次要同大家開箱一部三合一洗地機，可以同時吸塵及拖地，以後唔使吸完塵再拖地咁麻煩啦，大大縮短咗做家務嘅時間，即刻睇睇實測情況如何！
============
同場加映：
【家居達人】專家教洗冷氣機7大必知 滴水點處理？
============
今次開箱嘅係iLife W90手持式三合一掃地拖地機，佢同時結合吸塵、拖地同自動清潔嘅功能。產品配有充電底座、刷子、插頭、海綿濾芯及可拆洗滾刷。底座可以充電、存放機身及配件，收納非常方便。
洗地吸塵機喺充電及運作時都會有智能語音和燈光提醒。綠燈代表滿電狀態；橙燈代表要清污水箱；紅燈代表低電量及警告。
吸塵機安裝及操作簡單，手柄上有3個按鈕，由上而下有開關、轉檔及一鍵清洗功能，手柄後面嘅橙色掣㩒實就會出水。
固體廢物測試：食物及紙巾碎屑、頭髮、貓毛通通吸走。
液體測試：拖咗幾吓明顯見到冇哂咖啡漬，剩低啲水漬，污水箱都即刻變成咖啡色。
終極測試：見到有啲忌廉會黐咗喺吸塵機上面，不過煉奶同辣醬都係一下子就吸走哂，效果超乾淨！不過用清水就去除唔到忌廉、煉奶嘅甜味，呢個時候就可以加啲免洗嘅清潔劑，咁效果會更好啦～
iLife W90採用雙水箱環流技術，確保乾淨水可以不斷流到刷輥上，而清潔完地板嘅污水亦會同時吸返入另一個水箱中，避免污水二次使用，咁就唔會愈拖愈污糟啦～
清潔方面只需要將污水箱嘅污水同垃圾倒出嚟，再輕輕沖洗一下。
用後感：
小編覺得吸塵同拖地可以同步進行真係幾方便，同埋可以慳返唔少時間。佢嘅一鍵清洗功能亦可以將毛輥洗得好乾淨，而且冇異味。不過要用呢個功能只可以加入清水，千其唔好加清潔劑，唔係就會起哂泡！
機身採用人體工學手柄設計，所以使用推動時都幾流暢。不過因為本來都有一定重量，用耐咗都有啲吃力，大家購買時就可以衡量一下。
【INFO】
產品：iLife W90 手持式三合一掃地拖地機
價錢：$1499
購買網址：https://bit.ly/3CAvci1
產品提供：友和YOHO
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
