大廈停電偶有發生，如有通知都可以提早準備。但遇上突發情況，要斷電數小時的話，雪櫃無法製冷，裏面保存食物可能無法冷藏，導致食物變壞，呢個時候我哋應該點做好呢？一次過掉哂啲食物，還是繼續存放？一齊睇下食物安全中心有咩建議。
============
同場加映：
【家居達人】專家教洗冷氣機7大必知 滴水點處理？
============
停電期間唔好打開雪櫃及冰格
一般嚟講，雪櫃內嘅食物必須存儲喺攝氏4度或以下，而冰格內嘅食品則必須存儲喺攝氏零下18度或以下，先至可以抑制有害細菌及微生物生長。如無電力供應，雪櫃同冰格都唔可以以安全嘅溫度存儲食物，遇上呢種情況，最佳嘅做法係唔好打開雪櫃及冰格，可幫助維持存儲雪櫃本來嘅溫度，減少細菌滋生。
黃金2/4小時原則
如果雪櫃同冰格保持關閉，雪櫃可安全保存食物2-4小時；全滿嘅冰格可保存48小時；而半滿嘅冰格就可以保存24小時。而恢復電力第一時間應檢查易壞食物嘅溫度，例如肉類、海產、蛋類、奶類、乳製品、切開嘅水果及熟食置於攝氏4度至60度嘅時間少過2小時，應立即重新冷藏或使用；如果超過2小時但少過4小時，應立即使用；如果超過4小時，應直接棄掉。
唔好亂咁試吃
如果唔肯定食物有冇變質，千其唔好透過試食嚟判斷食物安全，因為食物嘅味道或氣味未必會變壞，容易令人有錯覺以為仲食得。如果唔肯定，應該直接丟掉。
提早做好準備
如果真係擔心食物變壞，可以預先喺雪櫃及冰格放定一啲冷袋，有助於維持溫度。更有網民建議，落樓下便利店買包冰，堆滿冰格，咁啲雪糕就冇咁易溶啦～
Text/ Bee
Source/ 食物安全中心、Unslash
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
