《東張西望》熱話 五兄弟姊妹爭產反目 父親生前立過三份遺囑 究竟點決定邊份有效？

============
同場加映：
【家居達人】家居植物盆栽推介 新手種咩好？專家教防蚊方法、種植4大要點

============

黃家本來有六名子女，除咗已過身嘅大家姐，在世嘅包括大哥、三姐、四姐、五姐及六弟，而98歲嘅黃父於去年12月去世，留下西貢兩間村屋，以及一千多萬現金遺產，當中負責家庭事務嘅黃律師手上有一份於2008年立嘅遺囑，但現時只搵到副本，正本不知所蹤，呢份遺囑嘅遺產承辦人為大哥及六弟，而六弟嘅妻子就懷疑「有人」刻意收埋正本；而2018年另有為外孫買樓而另立一份遺囑，但律師指入面有多項錯誤，所以屬無效。大哥則手持一份2005年立嘅遺囑，而入面所寫嘅遺產承辦人就係大哥，大哥要求律師承認呢份遺囑，但黃律師指因已有2008年新立嘅遺囑，故2005版已失效。

黃家本來有六名子女，除咗已過身嘅大家姐，在世嘅包括大哥、三姐、四姐、五姐及六弟，而98歲嘅黃父於去年12月去世之後，五兄弟姊妹就為爭產反目。

黃父生前分別喺2005年、2008年及2018年都立過遺囑，而家五兄弟姊妹爭拗邊份遺囑有效。

現時四姐弟就懷疑本來已經移居英國並於兩年前忽然返港嘅大哥，企圖私吞全部遺產，因為喺父親生前，大哥已偷偷哋瞞住父親及各兄弟姐妹，將父親一千多萬現金轉走，而喺大家追問下，大哥亦承認，並辯稱因為「唔想啲錢分晒畀啲女」！而現在四姊弟都想取得遺產承辦權，並將丁屋出售，但大哥獨力反對賣樓分錢，並獨佔丁屋二樓三房一廁，並寫明「閒人勿進」。至於旁邊一間用作出租嘅丁屋，其實黃父原意係希望將租金平分畀各子女作日常開支，雖然屋契係寫大哥嘅名，但大哥不單無出過錢，而且而家仲叫三位租客將租金直接入落私人戶口，企圖獨吞租金。

黃父亦留下兩間村屋畀子女，現其中一間為大哥及六弟居住，但除大哥外，其他4兄弟姊妹均希望賣屋分錢。

另一間3層村屋一直作出租，本來黃父原意希望租金平分畀各子女作日常開支，誰知大哥現時叫三位租客直接將租金入落其私人戶口，企圖獨吞租金。

遺囑有效與否   要睇格式及內容
《東張西望》節目組去到黃宅訪問大哥，大哥表示老父過身，就長兄為父，而整件事係其他兄弟姊妹先搵律師，並非自己挑起事端！而節目組留低問題畀大哥，但直至節目播出前都未得到回覆。於是就此事件去搵咗陸偉雄大律師，查詢可以點樣處理。陸大狀表示要判斷一份遺囑係咪有效，除咗日期嘅先後，仲要睇格式及內容。就現時黃家嘅三份遺囑嚟睇，最新嘅2018年版本，內容只有就一座物業有安排，對其他物業及資產完全無提過，有多處錯誤點，故屬無效。至於2008年立嘅遺囑，合乎遺囑嘅格式，有立遺囑者簽名，兩名見證人，所有內容合乎法律規定，所以如果2018年遺囑屬無效，法庭就會依頼2008年遺囑作依歸。但若果有人挑戰2008年遺囑成功，屆時又會告無效。法庭就會再睇2005年立嘅遺囑是否有效。

陸偉雄大律師表示，要判斷一份遺囑係咪有效，除咗日期嘅先後，仲要睇格式及內容。

陸大狀表示雖然現時以2008年嘅遺囑最完整，但由於只得副本，法庭唔會輕易接受呢張係真正嘅遺囑，而比較好嘅做法，就係交畀法庭去判斷邊張遺囑有效。

但現時2008年嘅遺囑只有副本，陸大狀認為事態非常「唔理想」，因可以質疑係偽造，法庭唔會輕易接受呢張係真正嘅遺囑。而現在比較好嘅做法，就係交畀法庭去判斷邊張遺囑有效。至於大哥攞走咗聯名戶口嘅一千多萬現金，如果父親只係因為方便而以信託形式將戶口加埋大哥名字，咁呢筆錢並非屬大哥所有，現在大哥單方面將錢據為己有嘅行為，就屬於盜竊罪！呢筆錢應該係要留畀遺產執行人分配畀受益人，所以大哥應該要將錢交出，而丁屋嘅租金亦要交出嚟。

text/Joyce
photo/電視截圖