唔想日出康城拆主力牆事件重演？！屋宇署推電話熱線 解答市民屋企改裝工程疑問

============

同場加映：

【蝸居睇樓團】元朗唔改間隔日系靚景親子屋 ! 珪藻土牆劃分區域/半開放式廚房增採光/拉趟門雜誌架連儲物櫃

============

自從發生咗將軍澳日出康城任宅單位改裝時，主力牆被拆事件，引發起唔少市民都擔心會否因大廈其中一個單位作出非法更改間隔，會令整座樓宇出現結構安全問題，甚至影響到日後樓價……

日出康城單位改裝將主力牆拆咗嘅事件，令全港嘩然！

而家好多單位裝修，都會改間隔如將廚房變開放式廚房等，究竟有無「唔覺意」拆咗主力牆呢？令好多市民關心。

屋宇署表示，因應近日有唔少市民希望了解點樣查閱批准圖則，以確定結構牆嘅位置；以及關注自己嘅住宅單位會否因曾進行改動及加建工程，而對樓宇結構或安全有影響等查詢，因此已設立電話熱線，解答市民有關嘅查詢。呢條屋宇署電話熱線暫定開放至下月21日，市民可於辦公時間致電查詢，但若反應熱列，署方會視乎需要，延長電話熱線嘅服務日期，辦公時間外，市民亦可以電郵查詢。

屋宇署開放咗電話熱線，畀市民喺辦公時間內查詢單位改建問題。

市民可預約上屋宇署    親身了解點樣睇建築圖則
如果對建築圖則有興趣作更深入了解嘅話，屋宇署歡迎市民經上述熱線或電郵，預約喺辦公時間親身前往油麻地西九龍政府合署北座屋宇署總部二樓嘅樓宇資訊中心，進一步了解點樣索取相關大廈嘅建築圖則，以及認識圖則上嘅基本資料，包括如何分辨結構牆及非結構牆。此外，屋宇署亦已將有關「住用處所的改動及加建工程」嘅常見問題及答案，上載於署方嘅網頁供市民參考。

如果市民想進一步了解點樣睇建築圖則等，可以預約親身去屋宇署參觀及傾談。

另一方面，屋宇署將聯同香港建築師學會、香港工程師學會結構分部和香港測量師學會，於下月11日下午6時半，在樓宇資訊中心舉辦有關「住宅室內改動及加建工程須知」講座，包括整理一份有提供改動及加建工程專業服務的會員／公司名冊。市民如懷疑其住宅單位內曾非法改動，或擬進行改動及加建工程，可按有關名冊聘請專業人士或查詢，詳情可參閱以上三個建築團體嘅網頁。

【INFO】
屋宇屋
網址：https://www.bd.gov.hk/tc/about-us/contact-us/index.html

香港建築師學會
網址：https://www.hkia.net/tc/

香港工程師學會結構分部
網址：https://www.hkie-st.org/

香港測量師學會
網址：https://www.hkis.org.hk/tc/index.html

text/Joyce
photo/HKET圖片庫