《東張西望》熱話 深水埗虐貓假義工被捕 轉售捐助物資牟利單位漏水禍及鄰居

============
同場加映：
【家居達人】專家教洗冷氣機7大必知 滴水點處理？傳出臭味有原因！條喉塞咗DIY吹得通？

============

日前深水埗發生一宗懷疑虐貓案，警方拘捕咗一名43歲女戶主。事縁一個單位水浸，污水仲傳嚟惡臭，有居民擔心樓上居民有意外，於是報警，警方到場後單位無人應門，消防員破門入屋，發現單位空無一人，但全屋堆滿垃圾，以及十多隻貓！雖然貓貓們暫時無生命危險，但單位內並無足夠食水及糧食，衛生環境惡劣，懷疑有人殘酷對待動物。幾日後《東張西望》節目組到訪單位，警方將單位上鎖，但仍然傳嚟陣陣惡臭。後來有愛護動物協會職上門協助，帶走3隻貓貓，包括1隻成年貓及兩隻大約只有1個月大嘅貓仔，職員表示貓嘅健康似乎有問題，所以要帶貓返協會畀獸醫檢查。

因一單漏水事件，揭發咗深水埗一單虐貓事件，被捕女子懷疑就係一名曾被愛貓人士踢爆喺社交平台呃物資，之後將物資放到交易平台轉售嘅假貓義工。

屋內相當凌亂，全屋堆滿垃圾及十多隻貓。

雖然貓貓們暫時無生命危險，但單位內並無足夠食水及糧食，衛生環境惡劣，懷疑有人殘酷對待動物。

原來呢個單位嘅涉事人，係2022年9月《東張西望》節目報導過嘅假貓義工，被愛貓人士揭發喺社交平台呃物資，之後將物資放到交易平台轉售，當時節目組係上過呢個單位，已經發現單位衛生環境惡劣，恍如雜物倉，節目組搵到有關女子，但對方對呃物資行為拒絕回應。幾個月後節目組再到訪，發現啲雜物不單放到出單位門口，仲已經擴散到鄰居門口，並試過返嚟餵完貓忘記關水喉，導致漏水影響到樓下單位。

text/Joyce
photo/電視截圖