網民列6大香港基層家庭特徵引港人共鳴！功課枱當飯枱！呢樣睇出富裕程度？

1.家中雜物多

不少網民認為普遍窮人家裡都會堆滿林林總總的雜物，「好多野都唔捨得掉 總以為有朝一日會用得著 結果一屋雜物幾廿年都冇旭（郁）過」、「見減價就買，冇諗實際有冇用有冇位放」、「屋企會堆積好多紙盒 紙皮箱 舊報紙雜誌 月餅盒曲奇罐」、「明明間屋已經細，係都要留埋啲垃圾」。當中更有網民指自己屋企會收集用過的膠樽，「用完既產品膠樽會留低再用」、「屋企人細個嗰陣會重用 用嚟裝涼茶」。

2.麻雀枱/功課枱當飯枱

有網民表示有些家庭甚至連飯枱都不會買，直接將麻雀枱當作飯枱，方便快捷之餘，又可以一物兩用。除了麻雀枱變食飯枱，更有網民指童年必備的功課枱亦會被「徵用」當飯枱，「諗起都眼濕濕，而家屋企用咗嚟做茶几」、「童年時必有既乘數表功課枱」。

3.不銹鋼碟

不銹鋼碟向來被視為「窮人恩物」、「公屋標配」之一，傳熱快、不會打爛，而且可以用好多年，「不銹鋼碟勁好 又輕身 又可以用好多年 又可以粗用」、「仲要鋪埋報紙 3隻不鏽鋼碟 一隻碟裝住d烚既大白菜 一隻碟裝住條紅衫魚 一隻碟就咁炒蛋」、「我鍾意用不誘鋼碟，傳熱快，又輕身」，成功獲網民一致好評。

4.門口鐵閘有塊布

討論中，有不少人認為基層家庭的門口鐵閘都會掛一塊布，「呢個細個喺公屋見過」、「掛塊布係咩意思」，其後有網民解釋指「因為公屋起到成個監倉咁」，影響室內通風才會打開門，而掛布的原因就是不想讓鄰居直接看到家裡。

5.沐浴露/洗頭水加水稀釋

不少基層家庭為了縮減開支，都會盡量在生活上「慳得就慳」，有網民指屋企人會將快用完的沐浴露、洗頭水加水稀釋繼續使用，「吱到最底根本係水嚟 都唔知可以搓啲乜」、「牙膏用到最後一滴 洗頭水沐浴露㩒唔出就溝水」、「沐浴露/洗頭水就用曬就溝水」、「試過溝完之後變左勁臭」。

6.開冷氣時間

除了沐浴露、洗頭水加水稀釋，有網民表示屋企人仲會規定開冷氣時間，「夏天唔開冷氣 話心靜自然涼」、「要人齊先開冷氣」、「熱到流晒汗都唔肯開冷氣」、「訓覺先開冷氣」、「開門通風，夏天唔洗開冷氣風扇 」，難怪有部分網民認為開冷氣時間代表家庭富裕程度。

此外，更有不少網民在帖文中分享窮人家庭中的常見物品，如藍色掛牆扇、紅A矮凳仔、傳統木摺枱等都有，其中藍色掛牆扇更被不少網民大讚好用，「呢隻款正 但一定要鐵葉個隻，膠葉好垃圾」、「用緊」、「你死佢都未壞」、「雖然肉酸啲，但佢有樣野好就係唔阻地方」。

+3

+2

點擊圖片放大

來源：LIHKG討論區

同場加映：【衝出嚟玩】最新影片