好多香港人都鍾意影相，但大家有無諗過其實香港嘅公共屋邨，蘊藏咗大量精采嘅攝影題材呢？而家房屋委員會就舉辦咗一個「房委會50周年公屋攝影比賽」，冠軍仲有機會獲得8,000元禮券，8 月6日截止報名，大家呢排係咪應該去逛吓屋邨，搵吓角度影靚相參加比賽呢？
============
同場加映：
【家居達人】專家教洗冷氣機7大必知 滴水點處理？傳出臭味有原因！條喉塞咗DIY吹得通？
============
呢個「房委會50周年公屋攝影比賽」，目的係鼓勵市民以光影圖像，從多角度欣賞香港公共房屋嘅設計同特色，展現公屋嘅獨特魅力。攝影比賽徵件以「公屋人情風貌」及「公屋建築美學」為主題，分為「公開組」、「居民組」及「職員組」三個組別，參加資格除咗必須為香港永久性居民外，「公開組」歡迎所有市民參加，而「居民組」則只限現居於房委會轄下公共租住房屋嘅租戶參加，「職員組」則只限房屋局及房屋署嘅現職員工參加。
攝影比賽徵件希望參加者以「公屋人情風貌」及「公屋建築美學」為主題，展現出公屋嘅魅力。
位於馬鞍山郊野公園同獅子山郊野公園之間嘅水泉澳邨，特色係建築同大自然融為一體。
各組均設有冠、亞、季軍及10名優異獎。除可獲獎狀一張外，冠軍可獲購物禮券HK$8,000，亞軍就得到購物禮券HK$5,000，季軍就有購物禮券HK$3,000，而優異獎得奬者亦可得購物禮券HK$1,000。
喺居屋、綠置居及「租者置其屋」屋邨取材 唔合乎參賽資格
不過要留意嘅係：參賽作品只可以喺房委會轄下「公共租住房屋」拍攝取材，如果喺「租者置其屋計劃」屋邨、「居者有其屋計劃」屋苑、「綠表置居計劃」屋苑及房屋協會轄下屋邨/屋苑拍攝嘅相片，係唔符合參賽資格嘅。
是次比賽、若果相片取材自綠置居、居屋及租者置其屋嘅屋邨，係唔符合參賽資格。
仲未諗到可以去邊個屋邨影靚相？不妨去房委會50周年專題網站，參考吓入面嘅「築蹟、足跡」屋邨導向遊網上指南，睇吓呢啲別具特色嘅屋邨，會唔會為你帶嚟創作靈感。
連接海盈邨及海達邨嘅行人天橋，原來曾獲香港工程師學會結構分部頒授「卓越結構大獎」中嘅「香港基建和橋樑項目」獎項，真係唔講未必知。
唔講亦未必知，原來蘇屋邨內嘅拱型燕子亭上，有一幅「3D」大型天花壁畫。
柴灣嘅華廈邨，其實係由柴灣工廠邨大廈改建而成，相當有特色。
【INFO】
房委會50周年公屋攝影比賽
網址：https://hos.housingauthority.gov.hk/50A/PhotoContest/tc/index.html 及https://ha50photocontest.com/
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
