詐騙電話喺近年非常橫行，相信大家都已經開始見慣不怪，但騙徒有可能現在開始採用一種新方法以作詐騙用！事關最近有網民就喺連登討論區上發文，問有冇人收到奇怪嘅FaceTime來電，結果就有大量網民都紛紛留言表示遇到相同嘅情況，最近都收到來歷不明嘅FaceTime來電，而呢啲極為奇怪嘅FaceTime來電，有可能係一種於近年較少見的詐騙手段，若誤聽更有機會立即被盜走個人資料！
============
同場加映：
【家居達人】專家分享床單小知識！ 點樣揀床單？清洗方法+次數？
============
眾網民齊收奇怪FaceTime來電 原來係廣告？
網民於連登討論區以「有無巴絲收到啲奇怪FaceTime？」為題發文，表示自己收到奇怪的FaceTime來電，覺得非常古怪：「啱啱收到，無聽，好x古怪」，有大量網民亦紛紛回覆表示自己手機於近日亦收到來歷不明的FaceTime來電，致電更來自各種不同的電郵地址，如yahoo.com、malaikaelc.org、live.com、gmail.com等：「有 xxx@yahoo.com，冇聽到」、「我收到哩個，astillman@malaikaelc.org」、「有，我係xxxxx@live.com」、「我今日都有，henryborello@gmail.com」
而有網民就出於好奇下接聽了這些來歷不明的FaceTime來電，發現原來來電是一個色情廣告：「我收到嘅係hotmail，聽咗，係啲濕9約啪廣告」、「我聽左(咗)，廣告黎(嚟)，對家係一張圖咁款，賣色情嘢，我自己個樣都係show一半，以防佢錄影」、「開咗係個鹹濕poster廣告，冇事的」
有大批網民表示於最近收到來歷不明的FaceTime來電，來電者的電郵地址更是五花八門。
有網民接聽了這些來歷不明的FaceTime來電後，發現原來是色情廣告。
接聽有機會即被盜容貌及聲音
經翻查資料後，原來接收到一些來歷不明FaceTime來電的情況，早於2017年在中國內地已有發生，來電除了是一些詐騙廣告外，騙徒更可能會在接聽者接聽FaceTime通話後，偷偷錄下接聽者的容貌及聲音，以備日後作詐騙用，騙徒有可能將接聽者的容貌用於人臉識別上，以盜取被人臉識別技術保護著的重要個人資料或財產等，亦有可能將接聽者的容貌及聲音透過轉換技術合成，以冒充接聽者的身份向其身邊的人詐騙。
所以當萬一收到來歷不明的FaceTime來電時，都儘量不應接聽，以防個人資料被盜，若擔心會誤聽又或者經常收到這些不明的FaceTime來電，亦可於iPhone的設定內把FaceTime功能暫時關閉。
騙徒有機會透過FaceTime通話偷錄接聽者的容貌及聲音，並透過人臉識別及轉換合成等的技術以作詐騙用。
若擔心誤聽詐騙FaceTime來電，iPhone用戶可在設定的「FaceTime」內將FaceTime通話功能關閉。
text/Jonathan
photo/連登討論區、coolblue、AARP、 iMore
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
