即將踏入暑假，天氣愈嚟愈炎熱，部分地區更高達攝氏36、37度，就連室內都明顯覺得熱咗。作為貓奴嘅小編有時都會擔心自家主子會唔會熱親，畢竟唔係全日都可以照顧佢哋，唔知佢哋有冇飲多啲水降溫呢～如果家中都有貓主子，記得避免以下情況，可以大大減低貓貓中暑嘅機會。
============
同場加映：
【家居達人】專家分享床單小知識！ 點樣揀床單？清洗方法+次數？
============
1. 避免於高溫環境下長時間逗留
貓貓本來嘅個性及生活習同狗隻唔同，冇咁需要喺戶外環境釋放活力，反而喜歡自己獨處及花上大量時間嚟瞓覺。所以貓咪對外出逛街嘅需求唔大，主人們就不必時常「溜貓」，如要外出就避免長時間逗留喺室外，減低貓貓中暑嘅機會。
2. 避免使用唔透風嘅貓袋
如剛好要帶貓貓覆診、美容等，主人們記得要使用透風、透氣嘅貓袋，否則貓咪容易唞唔到氣或焗親。
3.避免獨留貓咪於車上
高溫環境下，車內嘅溫度都相當高，如將主子遺留於車內會容易中暑甚至死亡！
4.避免缺水
如果冇安裝貓網，平時唔可以開窗通風的話，就可以開風扇加強空氣流通。而且放足夠嘅食水畀主子們補充水份就冇易中暑啦～
如果懷疑貓咪中暑的話，可以留意有冇出現以下症狀：好似狗狗咁伸脷喘氣、食慾不振、四肢無力，更嚴重可能會腹瀉、嘔吐或是血便。遇上以上情況除咗即刻帶佢哋睇獸醫之外，都可以先做啲簡單嘅急救，如情況嚴重必須找獸醫幫忙！
1.用浸過溫水嘅濕毛巾擦拭貓咪全身，可以直接快速咁幫佢哋降溫。
2.將主子們轉移到通風嘅地方，保持涼爽！也可以開冷氣或電扇增加空氣流動，不過唔好直接對住佢哋吹。
3.盡量幫貓咪補充水分，但如果佢哋不想飲亦不必強求。要注意千祈唔好將貓咪直接放到特別凍嘅房間或冰水中，因為咁樣會造成心血管快速收縮，更有可能導致身體狀況更嚴重。
Text/ Bee
Source/ Unplash
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
