疫情後社會續步回復正常，但調查發現香港家庭比以前更不快樂。 和富社會企業「香港開心D」公布「家庭開心指數」調查結果，以10分為滿分，今年嘅家庭開心指數只得6.57分，比上年嘅6.89分略低，亦係疫情爆發3年來新低。研究顧問解釋話，家庭需要適應社會復常，亦要面對轉變帶來嘅壓力及負面情緒，希望社會各界重視心理健康。
============
同場加映：
【家居達人】專家分享床單小知識！ 點樣揀床單？清洗方法+次數？
============
「香港開心D」及「李錦記家族基金」委託東華學院護理學院於4月3-17日進行網上問卷調查，訪問咗約1300市民，探討香港人嘅快樂狀況因素，當中包括個人快樂感、心理資本、家庭團結度、家庭健康狀態、家庭抗逆力等，並提出改善建議，令香港社會更快樂。
社會復常市民更不快樂
研究顯示，今年香港家庭開心指數只得6.57分，係疫情3年來新低。而個人開心指數亦得6.28，比上年嘅6.59分低。數字反映出社會復常嘅快樂指數比疫情期間仲低咗。專家指出因為市民要適應社會、工作、家庭及生活模式等各種變化，特別係年輕家長要處理子女全面復課嘅生活和情緒轉變，因此會產生一定嘅壓力，需要一段調節期。
年齡層愈低愈感精神不健康
另外，調查亦發現年齡層愈低，就愈多人覺得自己嘅家庭精神狀態不健康，喺55歲或以上嘅群組中，有4.7%人認為家庭精神不健康，但年齡介乎35至54歲和19至34歲嘅群組，比例就有8.1%和9.5%。相反，長者嘅家庭及個人開心指數最高，分別有7.37分及7.29分。研究亦顯示如果家庭成員中有長期病患或特別照顧需要，其家庭精神亦都較差，分數只得6.14，而冇長期病患及照顧需要嘅家庭就有6.65分。
研究團隊建議以下5種可以提升家庭抗逆力嘅行動，包括分擔工作、說肯定的言詞、一起花優質時間、送禮物和作身體接觸。調查顯示，有超過6成人會經常為家人服務，但只有約3成人向家人講「我愛你」等肯定嘅說話或擁抱家人，團隊認為有改進空間，建議可以用「循序漸進方式 」，先向家人多表達愛意 、讚賞及鼓勵 。當感覺自然後才嘗試以不同嘅身體接觸 （擁抱 、拖手、或翹手搭膊頭 等行為 ）去表達關愛 。
Text/ Bee
Source/ 香港家庭開心指數調查
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
