鄰里關係唔好，住都住得唔安落啊！李鄭屋邨有居民（許先生）因為長期受到白鴒騷擾而安裝高音頻驅鳥神器，高層住戶李先生抵受唔到高音頻聲響，冇辦法好好休息、精神疲弱，二人尷尬關係全因另一個住戶不良習慣所致！
============
同場加映：
【家居達人】專家教洗冷氣機7大必知 滴水點處理？傳出臭味有原因！條喉塞咗DIY吹得通？
============
香港地雀鳥數量眾多，間唔時都見到佢哋聚集，但如果佢哋落腳點靠近民居就比較頭痕喇！
低層住戶許先生從事夜間的士司機，主要日間在家休息，可惜日頭正正就係白鴒活動的黃金時間，雀鳥吵鬧聲、擺烏龍撞落玻璃窗等情況困擾住許生，唯有在窗外擺設各類驅鳥神器，包括麻鷹、貓頭鷹吹氣公仔、CD、高音頻裝置，而高音頻裝置擴散範圍波及到樓上用戶，音波影響李先生日常作息。
李先生單位距離約10層左右，因健康問題需要長期在家休息，但都深受「音波功」影響，不但不能好好休息，還時時感受到壓力。多次投訴、報警不果，情況都冇改善。
電視節目《東張西望》到訪許生單位詢問相關原因時，許生表示知道會影響到鄰居，但他是逼不得已，皆因另一個住戶長期餵鴿，令到白鴿數量愈來愈多，別無他法先要用盡法寶。
餵鴿住戶起初否認，其後解釋因為白鴿是野生動物，所以想餵飼，相信他不會停止餵飼的行為。
香港中文大學物理系湯兆昇博士稱，高音頻驅鳥裝置音波由4000多赫茲至2萬多赫茲不等，或許可以驅趕到對超聲波較敏感的貓狗，但對雀鳥作用不大。反而會令我們聽覺容易受損，建議大家不要使用。
許先生事後有收起高音頻驅鳥裝置，都希望鄰里之間以和為貴。解決了高音頻影響一事，但都未能制停吸引雀鳥聚集的餵飼舉動，相信李鄭屋邨居民都要繼續受到白鴿騷擾了。
text/la
圖片來源：電視截圖
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
