網民熱議：邊一個品牌嘅電視機比較好？ Samsung畫質靚？TCL性價比高？Sony售後服務一流？

============

同場加映：
【家居達人】專家分享床單小知識！ 點樣揀床單？清洗方法+次數？

============

電視機推薦｜Samsung畫質好？Panasonic有高達5年保用？

該網民於Facebook「家居維修交流平台」發文指自己打算購買電視機，並問到一眾網民對於電視機嘅推介：「想買電視機，大家有咩好介紹」，有網民就留言推介韓國品牌Samsung嘅電視機，並指其畫質相當優良：「買Samsung Crystal 4K系列，真心好用」、「我都係samsung，畫質好好」，亦有網民推薦日本品牌Panasonic出品嘅電視機，並指Panasonic嘅電視機有多達5年嘅保用：「一定係panasonic，唔係因為佢個牌子係因為佢有五年保用」，但有網民則指購買Panasonic嘅電視機並使用一段時間後，發覺電視機畫面間中會呈現奇怪嘅顏色：「買左(咗)pan記(意指Panasonic)睇左(咗)兩個月頂唔順有時的怪色，換返sony了」

有網民指Samsung的電視機畫質十分優良。

電視機推薦｜TCL價錢相宜、性價比一流？

亦有不少網民推介中國內地品牌TCL嘅電視機，並指其價錢相宜，而且性價比高：「TCL，性價比高」、「TCL的國際版OK！一直用開Sony，但去年因攪(搞)展覽買了部TCL，覺得不錯」、「留意吓市面上的TCL發現質素和評價都唔錯，而且價錢係Sony的一半都唔洗(使)。所以如果下次換機一定要試吓TCL」，不過有TCL電視機嘅用家就分別表示，電視機畫質參差，更有出現背光閃爍嘅問題：「信唔過囉，我就係見display個色比其他機靚買左(咗)，點知送到黎(嚟)畫質仲衰過屋企9年舊機」、「我買咗部50寸(吋)TCL，出現背光閃，幾個月總代理派人睇咗幾次，都冇解决問題，現衹有調高亮度(8成亮度以上)減小(少)背光閃問題，各位兄台買前要考慮！」

有網民指內地品牌TCL的電視機性價比高，絕對值得一試。

電視機推薦｜Sony耐用又高質？售後服務又夠貼心？

而另一日本品牌Sony所出品嘅電視機就獲最多網民留言推薦，並大讚Sony嘅電視機非常耐用之餘，亦比起其他品牌電視機有更好嘅畫質以及音質：「Sony啦！仲要㨂(揀)隻係外置火牛嗰隻。包你可以用十年八年以上」、「Sony唔錯，我當時喺百老匯買15000蚊，用到宜家，都有10年」、「真心sony，畫質音質都係最好(我覺得)」

有網民更分享自己購買Sony電視機後出現損壞並需維修一事，並從此指出Sony嘅售後服務一流：「買Sony，我八個月前買左(咗)部50X90J，睇左(咗)大概六個月左右就突然間冇咗畫面，我叫Sony廠師傅嚟整，佢話我個顯示屏壞咗，成個顯示屏幫我換咗，但係之後仍然都係突然冇左(咗)畫面，再搵師傅上嚟，佢話要將部機搬返去廠整，佢返廠果(嗰)大概一個月時間佢借咗部電視俾我睇住先，雖然部機買左(咗)冇幾耐就壞，有時電子嘅嘢好難怪得佢，但係Sony呢啲售後服務態度，我就覺得幾窩心。所以我覺得買機最緊要係佢啲售後服務，選擇買Sony機係無錯嘅」

有網民認為Sony電視機的畫質及音質都一流，而且非常耐用。