雖然電子貨幣愈來愈流行，但係好多人屋企都仍然留有大批硬幣銀仔，話晒都係錢，無理由就咁放喺屋企變古董㗎嘛！想處理咗屋企呢批「神沙」，咁就要留意金管局兩部專收硬幣嘅收銀車，嚟緊呢兩個月出沒嘅時間同地點喇！但究竟會唔會有啲硬幣係唔會回收嘅呢？
============
同場加映：
【家居達人】專家分享床單小知識！ 點樣揀床單？清洗方法+次數？
============
呢架收銀車，其實係源自金管局2014年10月推出嘅硬幣收集計劃，亦是全球首個有系統嘅流動硬幣收集計劃，利用兩部收銀車輪流喺全港18區為市民提供免費收集硬幣服務，並將收集嘅硬幣回流市面，提高硬幣流通，減少鑄造新幣嘅需要。 直至2022年11月30日，硬幣收集計劃通過兩輛收銀車已經進行咗共1,016,000宗交易，收集咗共8億1千2百萬枚硬幣，總面值更加達到12億5千3百萬港元。
硬幣收集計劃會收邊啲銀仔？
硬幣收集計劃接受嘅香港流通硬幣包括：
-1982年或以後的一毫硬幣
-1975年或以後的二毫硬幣
-1977年或以後的五毫硬幣
-1978年或以後的一元硬幣
-1975年或以後的二元硬幣
-1980年或以後的五元硬幣
-所有十元硬幣
十蚊硬幣當然係可以回收嘅其中一款硬幣。
邊啲銀仔唔接受回收？
-發現雜物、生鏽、染色、沾水、發霉或不可辨認的硬幣，工作人員會取出並交還客戶
-硬幣因機會因自然損耗而被硬幣點算機退回
-唔接受港幣以外嘅其他地方硬幣
-唔會提供紙幣或硬幣找換服務
如果啲硬幣太舊，有機會因自然損耗而被硬幣點算機退回。
收銀車回收銀仔程序係點樣？市民要預先做啲乜？
-市民毋須預先將唔同面值嘅硬幣分開
-服務人員會要求市民，拆除包裝並將所有硬幣倒進服務人員提供嘅膠盤，篩走雜物及塵埃後方進行點算
-每人每次回收上限為大約10公斤硬幣，超出10公斤者，需要分次輪候使用服務
-服務人員會檢查硬幣狀況，如果發現有雜物、生鏽、染色、沾水、發霉或不可辨認嘅硬幣，會取出並交還市民，以免影響機器正常運作
-硬幣必須通過硬幣點算機方可結算，硬幣可能因自然損耗而被硬幣點算機退回
-若客戶唔同意經點算嘅硬幣金額，可全數取回硬幣。確認金額後，服務人員會印發收條，經確認嘅硬幣，將唔會退還畀客戶
-客戶可將經點算嘅硬幣全數換作現金，或將全數或部分用作增值至儲值支付工具
-收銀車唔接受港幣以外嘅其他硬幣，亦唔提供紙幣或硬幣找換服務
市民攞銀仔去銀仔車前，毋須預先將唔同面值嘅硬幣分開。
點算完嘅銀仔，可以變電子貨幣？
經收銀車點算嘅硬幣，可以全數換作現金，或將全數或部分用作增值至儲值支付工具，如八達通卡、支付寶香港、八達通銀包、拍住賞 TNG Wallet、WeChat Pay，另車內設有公益金捐款箱，供大家做善事。
經收銀車點算嘅硬幣，可以全數換作現金，或增值去如八達通等支付工具。
銀仔車7至8 月出沒日期及地點
| 日期 | 收銀車 1 號 | 收銀車 2 號 |
| 7 月 3 日（星期一）至 7 月 9 日（星期日） | 黃大仙區 黃大仙翠竹花園第六座 (7 月 8 日星期六暫停) | 暫停服務 (機件更新) |
| 7 月 11 日（星期二）至 7 月 16 日（星期日） | 葵青區 葵涌葵聯邨聯欣樓 (7 月 10 日星期一暫停) | 大埔區 大埔太和路路旁停車處 (近翠怡花園) (7 月 10 日星期一及 7 月 11 日星期二暫停) |
| 7 月 17 日（星期一）至 7 月 23 日（星期日） | 東區 柴灣杏花邨盛民里第六座 7 月 17 日(星期一) 至 7 月 20 日(星期四) 太古城太裕路避車處 (近寶安閣) 7 月 21 日(星期五) 至 7 月 23 日(星期日) (7 月 18 日星期二暫停) | 離島區 東涌逸東邨迎逸樓 (7 月 17 日星期一及 7 月 19 日星期三暫停) |
| 7 月 24 日（星期一）至 7 月 30 日（星期日） | 觀塘區 牛頭角上邨廣場 (7 月 26 日星期三暫停) | 西貢區 將軍澳怡明邨怡情樓 (7 月 25 日星期二及 7 月 29 日星期六暫停) |
7 月 31 日（星期一）至 8 月 6 日（星期日） | 沙田區 沙田水泉澳邨茂泉樓 7 月 31 日(星期一)至 8 月 2 日(星期三) 沙田博康邨博康社區會堂側 8 月 3 日(星期四) 至 8 月 6 日(星期日) (8 月 4 日星期五暫停) | 北區 上水清河邨清照樓 (8 月 2 日星期三及 8 月 3 日星期四暫停) |
| 8 月 7 日（星期一）至 8 月 13 日（星期日） | 九龍城區 何文田愛民邨衛民樓對出平台 (8 月 10 日星期四暫停) | 油尖旺區 佐敦廣東道 575 號路旁停車處 (8 月 9 日星期三暫停) |
| 8 月 14 日（星期一）至 8 月 20 日（星期日） | 中西區 中環昃臣道路旁停車處 (和平紀念碑旁) 8 月 14 日 (星期一) 至 8 月 15 日 (星期二) 上環永樂街 118 號路旁停車處 (近上環文化廣場) 8 月 17 日 (星期四) 至 8 月 20 日 (星期日) (8 月 16 日星期三暫停) | 南區 鴨脷洲鴨脷洲邨利寧樓 (8 月 15 日星期二暫停) |
| 8 月 21 日（星期一）至 8 月 27 日（星期日） | 灣仔區 灣仔皇后大道東 213 號胡忠大廈 門外路旁停車處 (8 月 23 日星期三暫停) | 深水埗區 深水埗富昌邨富旺樓 (8 月 25 日星期五暫停) |
銀仔車服務時間？
服務時間由上午10時至晚上7時。每輛車內有兩部硬幣點算機，並有人員協助，亦設有電動輪椅升降台，硬幣收集服務不收費用。
銀仔車服務時間由10am-7pm，完全免費。
如果遇上打風，銀仔車會出動嗎？
惡劣天氣安排：如8號或以上熱帶氣旋信號或黑色暴雨警告信號於上午7時生效，暫停服務；如於上午7時至下午2時期間除下信號，信號除下2小時內恢復服務；如於下午2時後除下信號，當日服務取消。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
