沙田街坊免費送雪櫃反被鬧 網民唔受落!更質疑另有企圖?

文: 黃樂恩
2023.07.04

近年環保意識抬高,不少人搬屋時都會把不需要的物品放到網上贈予有需要人士。最近有沙田街坊在Facebook群組免費轉讓一部雪櫃,沒想到因為該雪櫃太殘舊,不但遭網民連番取笑,其後更被質疑免費送雪櫃其實是另有企圖,即入內文睇睇啦!

日前(2日)有女網友在Facebook群組「沙田之友」發文,指現居住的單位即將需要交吉,家中有一部能正常運作的雙門雪櫃,並表示「功能完好,還在用緊」,因不想浪費,故將雪櫃免費送給有緣人。從相片中可見,該雪櫃是雙門設計,櫃門上有很多污漬、貼紙印以及陳年的揮春漬,而且邊角處亦出現輕微生鏽,估計事主已經使用多年。而事主亦在文中明言,「不合"外貌 協會”會員, 七號前搬走, 非誠勿擾。」

帖文一出即在網上引起熱論,沒想到「送雪櫃」行徑不但未獲讚賞,反而引來不少街坊恥笑,「敘利亞風格雪櫃」、「經歷過二戰的雪櫃」、「古早味雪櫃?」、「想知點解可以用到咁污糟?」、「擺喺故宮都得喎」,當中更有人質疑樓主免費送雪櫃其實是另有企圖,「話送其實係懶,想免費等人搬走」、「衰D講句,收買佬都唔未必要,垃圾房阿姐梗加唔駛講」。

留言中也有不少網民說笑爭着排隊,「排上格…下格留返比其他有需要人士、「排加菲貼紙」、「想要melody 貼紙,排」、「排冰粒格」。不過亦有網民認為樓主「一心想幫下人啫」,並主動提供免費回收舊電器的資訊,「政府有四電一腦免費上門搬走」、「拎去四電一腦回收好過啦」。

其實現時環境保護署有「四電一腦」回收計劃,「四電一腦」即空調機、雪櫃、洗衣機、電視機、電腦、打印機、掃描器及顯示器,市民可自行致電回收熱線2676 8888或WhatsApp (6081 5096),預約政府營辦商安排上門免費收走舊件。 按現時的預約情況,營辦商可於一星期左右安排上門回收舊件。

來源:FB@沙田之友

同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓