裝修設計可謂家事熱話，不過唔係行內人難免要搵專業人士幫手。近日就有人喺Facebook嘅家居裝修設計分享Group請求各大網友意見，問下大家有咩方法可以幫浴室嘅磚牆遮醜，皆因牆上有明顯嘅安裝痕跡，每個圓圈都有3個洞口，睇落真係唔多美觀。不過唔係咩大工程，裝修師傅又未必接手喎，一於睇下網友有咩建議啦～
============
同場加映：
【家居達人】專家分享床單小知識！ 點樣揀床單？清洗方法+次數？
============
雖然洞口冇影響沖涼，不過望到真係要搵嘢遮住佢啊！怪唔得網友上嚟搵幫手啦～
遮醜法一：黐貼紙
有網民建議可以黐花磚貼紙，做法成本低、難度低、效率高，不過就要揀啲有防水功能嘅貼紙，否則浴室嘅水及蒸氣好易會整爛張貼紙，冇耐都係要搣走。
遮醜法二：掛飾物
有網民建議可以將兩個膠質打坎，再掛上掛鉤或植物上去。呢個做法雖然美觀，植物盆栽小極有限，可能會阻礙沖涼，甚至整跌砸到自己，咁就得不償失啦～
遮醜法三：用白英泥
先用電鑽先撩走膠塞，再用白英泥填平，咁睇落已經乾淨企理好多。如果想美化一下，就買近似顏色嘅掃口粉，不過該網民又指就算幾似都好，始終都有個印，個人認為唔值得。而淘寶嘅補磚物料，美縫劑等等，本人都試過好多隻，多數都比較「伏」，流動性太高，填地面尚可，但填垂直牆身就會向下墮，而且好難乾，亦冇用白英泥效果咁好。
Text/ Bee
Source/ 家居裝修設計分享Group@FB
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
