政府擬收例 改善的士服務質素 推6座位車的士 引入的士司機違例計分制度

============

同場加映：
【家居達人】專家分享床單小知識！ 點樣揀床單？清洗方法+次數？

============

政府將於下周三向立法會提交《2023年道路交通法例（提升個人化點對點交通服務）（修訂）條例草案》及《的士司機違例記分條例草案》，當中包括3 大重點。

1.濫收車資、拒載、修改咪表等，建議引入違例計分制度
好多人都試過的士司機「遠嘅地方唔肯去、近嘅地方又嫌近」而拒載，或者濫收車資等，針對呢類如濫收車資、拒載、修改咪表等嘅罪行，政府建議引入兩級制罰則，初犯嘅司機，會維持現時最高罰款1萬元及監禁6個月，再犯則可被罰款2.5萬元及監禁12個月。文件另提出擬引入「的士司機違例計分制度」，當司機干犯類似罪行就會被記分，如濫收車費10分、兜路5分等，兩年內累計被記15分或以上，會被取消駕駛的士資格，初犯3個月，再犯6個月等。

此外，政府亦建議提高「白牌車」非法出租或取酬載客嘅罰則，初犯罰款倍增至1萬元，再犯可罰2.5萬元，並將吊銷期及扣押期由現時初犯判處3個月及再犯判處6個月，分別增至6個月及12個月。

政府擬引入「的士司機違例計分制度」，提議司機如濫收車費扣10分、兜路扣5分等，兩年內累計被記15分或以上，會被取消駕駛的士資格，初犯3個月，再犯6個月等。

2.擬引入6 座位的士  提升乘車享受
目前全港約八成的士為4乘客座位的士，其餘兩成則為5乘客座位的士，但唔少市民及遊客，都希望能有較大車廂或乘客座位數目較多嘅的士供選擇， 因此政府亦建議可引入六座位乘客的士，收費將與現時四至五座的士一樣，就可令有坐輪椅需要，以及要攜帶較多行李嘅乘客，有更舒適嘅乘車體驗，提升的士行業競爭力。

而家香港八成為4人的士，政府建議引入6人的士，就可以令攜帶輪椅或大型行李嘅乘客，可以有更佳嘅乘車享受。

3.引入的士車隊制度加強管理
原來本港目前共有18,163個的士牌，牌照屬永久性質，毋須續牌，亦無附帶任何直接與服務質素有關嘅條件，所以為咗加強規管的士服務，政府今次亦建議引入的士車隊制度，現有的士車主可集合的士組成車隊，再向運輸署申請牌照，在受監管平台下通過專業車隊管理，提供更優質嘅的士服務。根據建議，如車隊包括紅的，車隊規模需要有300至1000輛的士；新界的士組成嘅話，則只需要有100至350輛的士；可供輪椅上落的士或較豪華的士須佔車隊數量唔少於一成；車內須配備行車記錄器、定位系統等設施；提供網約渠道，並須提供24小時顧客服務熱線等。 

政府亦提議引入的士車隊制度，以令管理更方便。

【info】

相關資訊：https://tinyurl.com/d45ymycj

text/Joyce
photo/HKET圖片庫