TVB節目《身體最誠實》最新兩集繼續有李佳芯（Ali）分享個人經歷，Ali在最新兩集的「Ali Says」中除了分享跟甄詠蓓學戲經歷，從而學識放開心扉同世界接軌之外，更自揭當年拍某一部劇集時未能抽離角色，要靠投入下一套劇先可以抽身。
李佳芯（Ali）在（10日）播出的第7集分享剛做演員時跟資深舞台劇演員甄詠蓓老師學戲經歷。Ali透露戲劇課以玩遊戲為主，當時其中一個遊戲是貓捉老鼠，她說：「因為我好唔想畀人捉到，所以係咁搵求生路線，甚至乎匿喺牆角或者人群之中。」惟上了六星期課後，甄詠蓓給Ali的評語是：「呢6堂裏面一直唔喺度，係一個旁觀者」。
Ali坦言對此耿耿於懷：「我已經好畀心機做每一樣嘢，點解會畀呢個評語我呢？」直到後來演出機會變多，Ali才慢慢明白甄詠蓓的「苦心」，她說：「當時嘅我只係專注唔想畀人捉到，我根本就係群體之外，冇打開心窗同人互動，名副其實只係一個旁觀者。」Ali續指因而開竅：「後來我嘗試同世界接軌，投入角色用心去同對手互動，因為我唔要再做旁觀者！」
而在明晚（11日）播出的第8集，Ali就分享工作與生活平衡的重要性，並自揭拍攝劇集《與諜同謀》時，曾因角色太過悲情而未能抽離，她說：「嗰時覺得自己好似患咗抑鬱咁，每日都淨係想匿喺屋企唔想見人，到咗夜晚又會失眠瞓唔着，直至去到下一套劇，先至可以走番出嚟！」
同場加映：【衝出嚟玩】最新影片
圖片來源：節目截圖、劇集截圖、TVB
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
