機場快綫25周年連串慶祝活動 王菀之靚聲出演主題曲MV 必搶免費車票同特別版紀念襟章

文: a.Ki
2023.07.10

每次坐上機場快綫,總係懷著複雜嘅心情,可能係旅行出發前嘅興奮,可能係滿載而歸急不及待回家將戰利品開箱,亦可能係非常唔捨得為最好嘅親友送行。依條咁特別嘅鐵路,原來不知不覺已經行走咗四分一世紀啦!踏入2023年7月,機場快綫正舉行一連串慶祝25周年嘅活動,包括搵嚟王菀之主演《機場快綫25周年主題曲》MV,亦會發送多重優惠獎賞!

坐主題列車出發旅行 王苑之靚聲陪你展開旅程

大家可能已經睇咗王菀之為機場快綫拍攝嘅《機場快綫25周年主題曲》MV,王菀之喺片中不僅分享咗自己乘搭機場快綫嘅個人經歷,亦有佢喺唔同旅程中遇到嘅動人故事,藉此帶出機場快綫25年來,一起與大家「型」造動人時刻。如果未睇嘅朋友,記得去https://youtu.be/QJXvcLBqGkI睇番入面溫馨嘅情節。

而機場快綫車站亦換上25周年嘅新裝,仲會有王菀之靚聲演繹嘅車站廣播,為你嘅旅程送上驚喜。另外,由即日起至12月31日,大家可以坐上以機鐵仔慶祝25周年而設嘅主題列車出發旅行。7月31日前,主題列車仲會每日喺指定時間從香港站開出,方便各位想同機鐵仔打卡嘅乘客,詳情記得上港鐵網站留意呀!

喺MV入面,王菀之分享自己乘搭機場快綫的個人經歷,亦有當中不同旅程中遇到的動人故事。

一連四個禮拜二送出車票及車站商店優惠

機場快綫25周年慶祝嘅重頭戲,就梗係派發共75,000張免費機場快綫單程車票啦!大家只要成為MTR Mobile登記用戶,即可於7月11日、7月18日及7月25日正午12時起,透過MTR Mobile「我的優惠」以先到先得形式,搶走免費機場快綫電子優惠券。每日名額25,000個,中獎機會極高!

如成功搶到優惠券,可在9月30日前經MTR Mobile或港鐵網站兌換原價高達$110嘅成人或小童機場快綫單程票一張。車票更可以喺兌換日起92天內使用,即最遲可在12月31日前使用,今年出發都用到!

另外,8月1日則有「即搶HK$10港鐵車站商店電子優惠券」活動。MTR Mobile用戶可在當日正午12時起,同樣透過MTR Mobile「我的優惠」以先到先得形式領取25,000張$10港鐵車站商店電子優惠券,喺機場快綫及東涌綫內嘅指定車站商店購物滿$50,即可享有$10折扣!

滿佈機鐵仔為慶祝機場快綫25周年而設的主題列車,將由即日起至2023年12月31日行走機場快綫。

機鐵仔快閃現身派25周年限量版紀念襟章

25周年當然不少得值得收藏嘅限量版紀念品,今次機場快綫就製作咗25周年紀念襟章。各位想要的話,就要記低以下日子,機鐵仔將會在7月14日(九龍站)、7月28日(青衣站)、8月11日(香港站),每日下午3時至5時快閃現身機場快綫閘內派發限量版紀念襟章,送完即止!

除咗實體襟章,MTR Mobile亦推出咗特別版虛擬徽章,大家只要在8月31日前使用連結至MTR Mobile賬戶嘅八達通乘搭機場快綫,不僅可以在app內收集「車站大亨」原有嘅徽章,同時亦可以獲得MTR Mobile「機場快綫25周年」特別版徽章!

即上港鐵網站留意機場快綫25周年連串優惠詳情:
https://www.mtr.com.hk/ch/customer/main/airport-express-25th-anniversary.html


(info by MTR)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓