臨近暑假，要為小朋友安排暑期活動，去主題樂園玩返日都係個唔錯嘅提議。不過樂園門票一向都唔平，閒閒哋都要五、六百蚊，唔少人都會搵下網上有冇優惠票，幾張票加埋的確可以慳返唔少。最近就有家長加入wechat群組買平飛，首次購買又真係成功取得門票入場，但再次買飛先發現原來係個騙局，一齊睇睇發生咩事！
============
同場加映：
【家居達人】抹窗勿搏命！ 清潔3部曲+安全貼士
============
受騙人謝小姐經朋友介紹，加入一個售賣迪士尼樂園門票嘅wechat群組，群組由一位叫林先生嘅人所創立，稱聲人民幣1,100元就可以買到3張飛，平均一張票只需367港元，比起639港元嘅正價成人票平咗差唔多一半啊！事主畀咗錢後，林先生喺一個星期內就出到飛，事主成功以超抵價帶小朋友入去樂園玩。
期後，事主不虞有詐，再次向林先生購買門票，一共花費2,400港幣買咗成人及小童嘅金卡，待事主付款後，林先生先後3次失約，謝小姐更加同小朋友喺迪士尼等咗幾個鐘，都見唔到林先生，小朋友都因為入唔到樂園而非常失望。
賣平飛嘅群組當然唔止一個，加加埋埋成員都超過800人，更加有唔少人都真係成功買飛入樂園玩，令大家對平飛嘅真偽深信不疑。另一苦主Tina同樣係經朋友介紹，朋友稱已經買過幾次都成功入園，所以都冇咩戒備心就買咗。但後來有朋友喺群組投訴遲遲未收到飛，要求退款，但林先生都係敷衍了事，甚至同群組成員嘈交。
呢單騙案仲有大量苦主牽涉其中，估計損失總額接近60萬人民幣。當中唔少苦主已經報警，不過警察就指如涉及港幣嘅案件就可以喺香港報案，如涉及人民幣嘅案件就只要到內地報案，所以苦主們要中港兩邊走同時報案，希望警察盡快破案，拎返被騙嘅錢。
Text/ Bee
Source/ 東張西望
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
