張致恒老婆雯雯IG疑暗示再有第四胎BB 「再一次負起呢個責任,迎接呢份禮物同安排」

文: 羅志宏
2023.07.11

張致恒與老婆雯雯自結婚後一直火花十足,不時都傳出婚變消息,而雯雯更會不避嫌在IG社交帳戶多次向老公張致恒「開拖」。早前就有指張致恒修心養性,在天水圍一間小食店打工搵錢,雯雯今日(11日)凌晨就在IG限時動態宣布將會停用原本的IG帳戶,並寫下長文疑似暗示再有第四胎BB。

 

 

張致恒與老婆雯雯婚後先後育有三子,包括2019年誕下大仔張天寶、2020年誕下次子張天牧、2022年誕下細仔張天朗。雯雯在IG限時動態上就疑有第四胎暗示,寫道「我係任性冇諗後果 就成就左每一次懷孕 但係一個新生命係上天比你嘅禮物同一個安排 所以我冇後悔過」、「既然上天再一次俾咁樣嘅安排我 我就應該好好計劃,靠自己去照顧好上天比嘅每一份禮物 再一次負起呢個責任,迎接呢份禮物同安排」⋯⋯

 

 

全文如下:

呢個Ig 將會停用。
最後一個post.•一個總結…
呢一年確實係我人生一個轉捩點
好多嘢都改變晒..
曾經我以為我一個人係好簡單
柤信同堅持就能夠有好嘅結果
但係原來並唔係咁樣
一次又一次嘅被背叛同傷害
確實令到我思想同性格都改變晒
好似一次又一次,加重仇恨咁
我第一次懷孕之後
確實,我係任性冇諗後果
就成就左每一次懷孕
但係一個新生命係上天比你嘅禮物同一個安排
所以我冇後悔過
反而令到我更加有責任感同信念去照顧好佢哋
問心,有邊個會想公開自己嘅私事去俾人笑同討論
我唔係一個小丑
但係一來我冇乜朋友冇乜傾訴嘅對象
所以就換來喺平台發洩
再加上我心底裏的確係有一種唔好嘅心態
我會覺得你可以對住其他嘅女性去數我
咁點解我唔可以公開我嘅情緒同不滿
老實講,當你對住其他女性去數我
呢種傷害會唔會比起我公開鬧你更加大
明明自己做錯在先,但係最後換來係因為我做得唔夠好,所以你要有呢個選擇
我真係想唔透….
我大家終於坐低傾過問題
我都唔知大家嘅關系能唔能夠修補
但係呢一刻我相信大家都需要時間去行落去。
講到尾其實根本唔關共唔共患難事
如果係咁嘅,我諗一開始根本唔係咁樣行。
 
去到最近
大仔開始越來越大,識嘅嘢越來越多
每當我大喊情緒失控嘅時候
佢會好擔心,同表現出好唔開心
我就同自己講要醒
唔明夠影響小朋友成長唔能夠帶比佢有任何陰影
再加上自己身體同你緊要,面對嘅手術
的確好驚
好怕個風險,上天要帶我走
所以同自己講好向前行
好好珍惜同家人嘅時間
仲好過喺度發癲
日日喺度鬧都根本改變唔到好多嘢,亦都冇幫助。
接下來.
既然上天再一次俾咁樣嘅安排我
我就應該好好計劃,靠自己去照顧好上天比嘅每一份禮物
再一次負起呢個責任,迎接呢份禮物同安排
無謂再去浪費氣力,同時間只係喺度發洩同埋鬧
我相信唔放棄,堅持一定有出路
瞓醒一覺,又會係一個好嘅開始
多謝呢個1C好多好多善良同有心嘅人一直嘅關心同幫助,希望去到新嘅IG,我係能夠分享正能量同我嘅家人嘅生活點滴開心
事俾大家睇》 @ugly_ mama2.0

 

 

圖片來源:IG@雯雯

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓