平時冇咩時間做運動，有人可能會多走幾步路或者行下樓梯，等自己身體多啲郁動，都算係運動嘅一種。但如果每日要行十幾廿層樓梯，搞到自己身水身汗先出到門口或者返到屋企，大家又點睇呢？最近灣仔就有棟大廈停𨋢兩星期，住戶出入都要行樓梯，大熱天時真係行到人都「溶」啦，一齊睇睇發生咩事！
============
同場加映：
【家居達人】抹窗勿搏命！ 清潔3部曲+安全貼士
============
位於灣仔謝斐道呢棟樓高23層嘅大廈，升降機已經壞咗成兩星期有多，住戶全部都苦不堪言！
究竟點解兩部𨋢都會壞哂，而且咁耐都未整返好呢？原來早喺6月21日，因為消防水管爆咗，將兩部𨋢全部淹沒之後就冇辦法繼續使用，一直壞到而家都未整好。保安就指電梯公司有向保險公司索取賠償，但佢哋唔滿意保險公司嘅賠償金額，所以就一直冇維修。
法團希望先籌集36萬保證金畀電梯公司作緊急維修，但業主人數眾多難以達成共識，令到住戶們日日要行樓梯。
住喺20樓嘅鄭婆婆患有脊椎側彎，平時出入都要使用拐杖，上落樓梯更會成個人傾斜，十分吃力！自壞𨋢以來，就冇出過門口啦。而住喺19樓嘅高先生就話，平日都有叫開外賣，但因為壞𨋢嘅關係所以冇得叫外賣或速遞，對生活造成不便。
唔方便嘅地方唔止搭𨋢，大廈仲出埋通告話由於壞𨋢，唔會有清潔工人上樓收垃圾，所以要求住戶每日出入時帶埋自己袋垃圾，再到附近垃圾站棄置。更有23樓住戶貼文表示不滿，睇文字都感受到住戶嗰種既無奈又憤怒嘅心情啊！希望法團盡快安排修理，令住戶過返正常生活啦～
Text/ Bee
Source/ 東張西望
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
