暑假將至，學生們多咗時間自由活動，上網打機可謂消磨時間嘅好方法。同時都衍生多宗網上購物騙案，唔少學生買賣遊戲帳戶及虛擬裝備時受騙。執法部門喺今個月接獲15宗相關騙案，其中7名受害人為學生，年紀最細嘅只有13歲。
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
據警方指出，其中一宗騙案受害人為一名初中女生，事主喺上星期於社交平台出售遊戲帳戶，遇上假扮買家嘅騙徒，並游說佢到假平台開戶進行交易。騙徒其後指佢嘅平台帳戶被凍結，要求佢轉賬3,400港元方能解凍帳戶。事主不虞有詐，點知轉帳後對方就即刻失聯。
過去一星期最常涉及騙案嘅貨品，依然係演唱會、主題公園門票以及船票，其餘為酒店、露營、旅遊套票、手袋、玩具模型、傢俬、家庭用品、智能電話、遊戲產品及帳戶、手錶、相機及電器。
以下為今個月出現過嘅詐騙專頁及遊戲交易網站，消費者要切密留意，慎防受騙，包括Era生活商城、Gadgets Galore HK、HONG KONG Kangtai Tourism、完美購、桐心專營店、美妝、健美、減脂、營養食品、gam.texm.top、k4g.djz57.top、g2p.flclx.top，以及xamn.mphd2vbdsz.lol。警方提醒，切勿輕易相信遊戲聊天室或社交平台嘅網友，如懷疑平台真偽，可在搜尋器輸入網址，若只顯示零星結果，該平台可能是假網站。
警方亦建議使用「防騙視伏器」，網址係cyberdefender.hk，輸入收款賬戶、網址、電郵、電話、平台帳戶，系統便會評估風險，可以立即查明疑似詐騙或網絡陷阱！
Text/ Bee
Source/ 反詐騙協調中心、Unsplash
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
