好多人都覺得近年香港多咗人喺街頭亂亂拋垃圾及吐痰，或者有店舖將貨品擺放到行人路上，或者將垃圾堆積喺公共地方……嗱，立法會啱啱三讀通過咗《2023年罰款及定額罰款(公眾地方潔淨及阻礙)(雜項修訂)條例草案》，不單將亂拋垃圾及吐痰等嘅定額罰款倍增至3,000元，店舖阻街及非法棄置建築廢物嘅罰款，更提高達4倍呀！究竟新罰款幾時實施？詳情係點呢？
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
立法會三讀《2023年罰款及定額罰款(公眾地方潔淨及阻礙)(雜項修訂)條例草案》通過修例，將7項表列罪行嘅定額罰款金額，由1,500元倍增至3,000元，呢７項行為包括：
1.未經准許而展示招貼或海報
2.將扔棄物或廢物棄置在公眾地方
3.在公眾地方吐痰
4.犬隻糞便弄污街道
5.在郊野公園及特別地區棄置廢物
6.在郊野公園及特別地區吐痰
7.海上棄置廢物
今次會提高定額罰款嘅有關垃圾罪行，包括「未經准許而展示招貼或海報」。
飼養狗隻人士都要注意：「犬隻糞便弄污街道」嘅罰款都會由$1,500提升至$3,000。
環境及生態局又建議，調高法庭可判處嘅最高罰款額，「在公眾地方吐痰」和「犬隻糞便弄污街道 」首次定罪可判處嘅罰款額由第 2 級（5,000元）調高至第 3 級（10,000元），其後每次定罪可判處嘅罰款額由第 3 級（10,000元）調高至第 4 級（25,000元）。而「在郊野公園及特別地區棄置廢物 」和「在郊野公園及特別地區吐痰」由第 1 級罰款（2,000元）調高至第 3 級罰款（10,000元）；「在公眾地方造成阻礙」由第 2 級罰款（5,000元）調高至第 4 級罰款（25,000元）。
環境及生態局又建議將多項罪行嘅罰款再升級提高，如「在郊野公園及特別地區棄置廢物」，由第 1 級罰款（2,000元）調高至第 3 級罰款（10,000元）。
公眾地方賣嘢及非法擺放廢物 罰款增4倍
至於另一項目針對「店舖阻街」，包括喺公眾地方造成阻礙及非法擺放廢物，非法棄置建築廢物亦屬此類別，定額罰款更由1,500元大幅調高至6,000元！環境及生態局指去年接獲店舖阻街嘅投訴，達二萬四千多宗，為達到治標兼治本嘅改善目標，必需顯著地提高罰款，加大阻嚇力。而為咗有效地實法，食環署亦會加強前線執法人員培訓，即日起各區小販管理主任職系人員將會陸續配備隨身攝錄機，喺執行職務時按需要記錄現場情況保障執法行動及透明度。政府將於下星期五刊憲，並於10月22日生效。
日後店舖喺佔用公眾地方作擺賣，有機會會被罰款$6,000。
店舖喺街道非法擺放廢物，以及非法棄置建築廢物，都一樣有機會被罰款$6,000。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
