容祖兒演唱會2023|Joey大爆阿Sa做媒人介紹超自信男 坦言被猛烈追求攻勢嚇死 (附頭場完整歌單)

文: 王庭芝
2023.07.14

容祖兒《ANOTHER SIDE….JOEY‧MY SECRET‧LIVE》演唱會昨晚(14日)於演藝學院正式開鑼,首晚為歌迷場,大家都非常投入聽Joey呼籲跟足dress code,不少歌迷更花盡心思扮雞、外星人、王子、金黃爆炸頭等出位造型,場面歡樂搞笑。Joey死黨蔡卓妍(阿Sa)、師妹Gin Lee和好友林海峰等都有到場捧場。這晚Joey除了分享好歌,更大爆昔日阿Sa幫自己牽紅線的趣事,遇上自信爆棚的追求者,搞到Joey直言被對方嚇死!

相隔六年再於演藝學院做「SECRET‧LIVE」,無論制作定歌曲編排,都落重本,每一部份都讓觀眾目不暇給、嘆為觀止,整晚氣氛都又歡樂又感動,不時歌迷更與祖兒大合唱,及一齊跳舞,令演藝學院變了一個熱鬧的巨型party room,完騷後歌迷不停叫安歌了近15分鐘才依依不捨離場。

 

 

整個演唱會分為七部份,由Joey小時侯SECRET,到校園故事,跟著有10人大樂隊出場與Joey一同勁歌熱舞,分享錄音室的最私密空間,到Joey私密的內心世界,分享好歌之餘,也分享了這幾年間為工作不得不離港獨自生活的心聲。最後部份是點唱環節,Joey現場抽出歌迷一早寫下希望點唱的歌曲,而歌迷亦為她準備了一個幾層的生日蛋糕,補祝她之前6月生日。

 

 

同場加映:【今期Chill抵】最新影片

4年未踏足過香港舞台,Joey跟觀眾打招呼時搞笑道:「熟口熟面,又係呢個地方,又係呢啲人,大家覺得我有冇變呀?」歌迷大叫:「有呀,變靚咗!」繼而她又發覺自己身上的短裙,這麼近觀眾席,打底褲都比人睇晒,無論她行去什麼位置,都是一樣半走光「哎,走去邊都睇到?(觀眾:我想睇呀!)哈哈,你又想睇?前面個d 開始流晒鼻血啦!哎吔,咁點呀?唔緊要啦,反正大家一家人,打底褲就係用嚟打底,就係預咗比大家見到㗎啦。呢啲咪就係SECRET‧LIVE囉,哈哈!」

 

 

談及內心世界的部份,Joey坦言自己是一個歌手之外,另一面就係一個中女:「有事業,生活無憂,但重係一個人吊吊揈。」她指全世界最希望她得到幸福的人就是好友阿Sa,更分享阿Sa為自己做媒人的故事。

 

 

有一次阿Sa介紹了一位異性給Joey,一開始她出於禮拜而跟對方寒暄:「佢見我回多一兩次,就開始send自拍照、報告生活狀況,我當時都驚一驚,但為咗尊重阿Sa,我唔識回答都留個Emoji咁......點知佢竟然再努力,留言『I miss you baby!』嗰一刻我真係嚇死啦,baby後重唔停喎!仲話不如我哋一齊試吓發展!」Joey續指對方竟然自以為看過Joey所有演出就等於了解她,她向粉絲笑言:「各位觀眾!睇完晒我演唱會DVD想同我拍拖?咁你哋由細睇到我大,我咪要同晒你哋....哈哈!」語畢令全場觀眾起哄拍掌大笑大叫。

 

 

而完騷後,祖兒話:「收到好多朋友恭喜我個騷咁成功,個個都大讚好睇,兼人人最後都係個句:I MISS YOU BABY,笑死,哈哈哈!」

 

頭場歌單:

  1. 溶 
  2. 渴望晨曦的女孩 
  3. 一個人砌圖
  4. 我杯茶 
  5. 侯鳥樹
  6. 28個我
  7. 敬請留步
  8. 我好得閒 
  9. 13點 
  10. Honey 
  11. 小日子
  12. 煙花紀
  13. 戀人未滿
  14. 圓謊 
  15. 無人知道雙子座
  16. 玩家
  17. 蜃樓
  18. 夢非夢
  19. 男朋友與歌
  20. 東京人壽
  21. 陪我長大
  22. 舊日回憶的山丘
  23. ANOTHER  SIDE MEDLEY
  24. 最好時光 

來源:大會提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓