好多人都對家居種槙植物好有興趣，以前大部分都為裝飾，但近年愈嚟愈多人會喺屋企栽種一啲有食用價值嘅植物，由蔬菜到香料都有，但究竟邊啲食用植物先啱喺家居栽種呢？施肥及打理上有乜嘢要注意呢？嚟緊呢個周末，九龍公園就有個免費嘅「認識食用植物」園藝教育展覽，究竟有乜嘢睇？當中仲有講座，可以點樣攞入場券呢？
============
同場加映：
【家居達人】記者實測！8款市面消暑降溫用品 : 最新冷感頸環、冰凍噴霧、濕紙巾等 邊款最有效？最勁降2.6°C！
============
為咗提高市民對種植嘅興趣和推動綠化，康樂及文化事務署特地舉辦呢個「認識食用植物」園藝教育展覽， 食用植物一般可分為葉菜類、根莖類、花果類、香草、種子類及菇菌類。煮食時加入香草或天然香料，可令菜色更添色香味，有些植物更可入藥。今次展覽會藉住展板介紹，畀市民認識食用植物嘅種類、食用及保存方法，以及適合家居栽種嘅食用植物。展板內容亦會介紹栽培植物嘅要點、常用嘅有機肥料、植物繁殖方法，以及防治病蟲害嘅有機方法。最正係場內亦設有攤位遊戲及工作坊，市民更可在園藝導師指導下體驗種植盆栽嘅樂趣。
現場有展板介紹，畀市民認識食用植物嘅種類、食用及保存方法，以及適合家居栽種嘅食用植物。
最正係嚟到現場，市民更可在園藝導師指導下體驗種植盆栽嘅樂趣。
如果真係對「食用植物」好有興趣嘅話，期間仲會舉辦3場分別題為「美味水果家族」、「認識食用植物」及「香港植物存護」嘅講座，將於九龍公園綠化教育資源中心舉行，以粵語主講，免費入場券會於當日喺中心派發，先到先得，額滿即止。
展覽仲會舉辦3場講座，免費入場券會於當日喺九龍公園綠化教育資源中心中心派發，先到先得，額滿即止。
【INFO】
「認識食用植物」園藝教育展覽
日期：7月22及23日
時間：10am-5pm
地點：九龍公園拱廊和綠化教育資源中心
網址：www.lcsd.gov.hk/tc/green/gerc/activities/exhibitions.html
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
