星期日下午，慈雲山慈樂邨樂信樓35樓發生火警，事件中女戶主被警方發現時手持利刀，兼全身皮膚有70%嚴重燒傷，延至昨晚11時34分更宣告不治！而其他3 位被發現嘅傷者為死者妹妹，據知呢單奪命火警，起因竟然係4姊妹因賣樓糾紛而起？！
============
同場加映：
【家居達人】日本傳統手工家具店 52年歷史 百年木材+職人專製 傢俬擺放保養Tips免發霉
============
火警導致大量居民要疏散至戶外，而警方事後喺同層另外發現3名傷者，皮膚呈大面積二級燒傷程度，有人腹部有刀傷，亦有人喺走廊手持利刀，被警方攔下。而消防署喺案情簡報會中表示，由於現場發現兩個起火點，而火勢蔓延嘅速度亦唔尋常，所以認為火警原因有可疑，事件交由警方作進一步調查。現懷疑呢宗火警血案源自賣樓糾紛，4 姊妹喺單位內起爭執，事件中被警方截停嘅為持刀大家姐，發現時身上70%皮膚被燒傷，51歲嘅三妹雙手燒傷，腹部亦有刀傷，53歲嘅二妹及46嘅細妹，全身亦有多處燒傷。警方懷疑女戶主用刀傷及其中一個妹妹，警方已被女戶主拘捕。事件擾攘約兩小時後，大廈終於解封，同座居民終於返家，同樓都感到好震驚。
事發火警單位位於35樓，同座大廈居民需疏散。
消防員到場迅即將火救熄，但發現現場有兩個起火點，而火勢蔓延嘅速度亦唔尋常，所以認為火警原因有可疑。
涉事4姊妹均傷勢嚴重，其中屋主大家姐已於昨晚不治，其餘三人仍留喺醫院深切治療部留醫，暫未能錄取口供。
涉嫌傷人被捕嘅57歲大家姐，延至24日晚上11時34分，終告不治。消息指現不治嘅大家姐居於涉案單位，事發前3名胞妹登門造訪，與大家姐商討買賣另一單位事宜，期間大家姐堅持賣樓，但3名胞妹就唔想賣樓，結果爆發罵戰，爭執期間大家姐發難，攞刀捅傷51歲三妹嘅腰部，中刀嘅胞妹立即搶刀制止，但混亂期間單位起火焚燒，消防趕抵將火救熄後，發現單位有兩處起火點，火勢蔓延速度並不尋常，認為有可疑，現正調查事件。事件中其餘三姊妹仍留喺醫院深切治療部留醫，未能錄取口供，當中三妹及46歲幼妹情況危殆，53歲二妹則情況嚴重。
text/joyce
photo/HKET圖片庫、《東張西望》電視截圖
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
