呢排放暑假兼日日發出酷熱天氣警告，好多人都走去游水消暑。但近年不斷發生因救生員不足而令公眾泳沐池或海灘暫定開放等問題，而且為咗進一步利用科技提高泳客安全，康文署將於星期一（7月31日）起於觀塘游泳池嘅戶外副池，試行人工智能遇溺偵測系統，透過拍攝到嘅影像，分辨游泳人士動作，再利用人工智能計算會遇溺嘅概率。但其實成個泳池咁大又有咁多泳客，又會唔會有盲點偵察唔到呢？系統拍攝咗泳客容貌及身體，又會唔會涉及私隱問題呢？
============
同場加映：
【家居達人】日本傳統手工家具店 52年歷史 百年木材+職人專製 傢俬擺放保養Tips免發霉
============
康文署表示，經過近月嘅系統測試及優化，將於7月31日起在觀塘游泳池嘅戶外副池開放期間，試行人工智能遇溺偵測系統，以加強公眾泳池的救生服務。遇溺偵測系統運用人工智能偵測科技，透過分析鏡頭所拍攝到嘅影像，分辨游泳人士嘅動作，再利用人工智能計算溺水嘅概率，提升水上安全。當偵測到懷疑遇溺者，系統就會響警號，通知救生員拯救。康文署強調偵測系統係唔會收集或顯示容貌或身體，亦唔會保留任何影像或片段，以保護泳客的私隱。而呢套偵測系統係由香港大學運動人工智能實驗室研發，康文署會喺泳季結束後，檢討試驗計劃嘅成效，為研發適合應用於公眾泳池嘅遇溺偵測系統提供參考。
人工智能遇溺偵測系統透過分析鏡頭所拍攝到嘅影像，分辨游泳人士嘅動作，當偵測到懷疑遇溺者，系統就會響警號，通知救生員拯救。
康文署強調偵測系統係唔會收集或顯示容貌或身體，亦唔會保留任何影像或片段，以保護泳客私隱。
泳池太多泳客 有機會偵察失誤？！
香港大學電機電子工程系運動人工智能實驗室總監霍偉棟表示，當游泳者出現垂直下沉等非正常游泳動作時，系統會即時發出黃色警號，若溺水情況持續，就會響起紅色警號，救生員嘅平板裝置會顯示遇溺者嘅位置，等救生員可以及早拯救遇溺者。不過港九拯溺員工會副主席胡啟榮就表示，系統要喺遇溺者動作停止一段時間先會發出警號，故此憂慮如泳客較多時，系統係咪可以有效偵測到遇溺者！一般嚟講，救生員係可以喺泳客有不適或動作有異時，已留意到並採取行動，以免悲劇發生。另一方面，人工智能遇溺偵測系統發出警號後，都是需要現場救生員去拯救遇溺者，故此系統其實都未能解決現時救生員人手不足嘅問題。
不過港九拯溺員工會就質疑，系統要喺遇溺者動作停止一段時間先會發出警號，故此憂慮如泳客較多時，系統係咪可以仲有效偵測到遇溺者！
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
