《破毒強人》演員角色、劇情簡介、人物關係｜TVB新劇《破毒強人》演員陣容有陳豪、胡定欣、蕭正楠、張曦雯、何廣沛、郭柏妍、張寶兒、蔣志光、朱智賢，劇情主要圍繞「一代毒王」文華的復仇故事，以及角色文華、章琳、葉浩天、丁若寧，播放時間為7月31日晚上8時30分。
破毒強人｜最新劇透預告
破毒強人大結局劇情｜第26-30集：張曦雯成下場最慘烈角色
破毒強人分集劇情｜第1-5集：大毒梟陳豪患癌獲特赦出獄 重遇胡定欣怒火難抑
破毒強人分集劇情｜第6-10集：陳豪拉攏胡定欣、何廣沛 張曦雯線人出事
破毒強人分集劇情｜第11-15集：胡定欣拆穿蕭正瞞把戲 陳豪以身試毒
破毒強人分集劇情｜第16-20集：朱智賢被害死成蔣志光復仇轉折點
破毒強人分集劇情｜第21-25集：蔣志光難逃一死被槍殺身亡
破毒強人｜劇情大綱：陳豪飾演一代毒王
《破毒強人》故事圍繞「一代毒王」文華（陳豪飾）發生，以極致的黑色、糜爛及赤裸手法，勾劃複雜暗黑人性面的同時，亦會呈現專屬黑幫人物的俠義情懷。霓虹燈下的香港，藏着不為人知的黑暗面，四面八方的毒品都以本港為中轉站。十年前，警方毒品調查科成功緝捕「毒王」文華（陳豪飾）入獄，卻犧牲了臥底葉浩天（蕭正楠飾），浩天被注射大量毒品，從此喪失情感。
破毒強人｜劇情大綱：陳豪出獄後復仇大計
十年後，文華抓緊患了末期肺癌的時機，在網台記者林可兒（張寶兒飾）「助攻」下獲特赦出獄，從而展開一連串復仇大計，看似經營樓上書店度過餘生，其實暗中找來舊情人章琳（胡定欣飾）、啞巴徐安樂（何廣沛飾）於網上販毒，更利用章琳的金融界地位，在股票市場洗黑錢。一宗警察失蹤案轟動全港，浩天被調回毒品調查科跟前女友丁若寧（張曦雯飾）合作，「警毒大戰」再次爆發，文華的目標除了葉浩天，還有見利忘義、見錢開眼的現役毒王鄭福田（蔣志光飾）……
破毒強人｜男主角陳豪角色造型聲線頹廢沙啞
預告片中所見，陳豪的角色「文華」在不少特寫鏡頭均展現視帝功架，其中一個咧嘴大笑表情更讓人不寒而慄；造型方面，除了難得一見的頹廢造型帶出新鮮感，陳豪在角色聲線方面亦明顯下了功夫。陳豪受訪時透露：「根據角色嘅複雜背景同身體退化嘅情況，今次大膽喺聲線度作出咗挑戰，包括對白節奏嘅快慢、高低音嘅平衡，同埋情緒波動時嘅變化等。由於自己年輕嘅時候，曾經長時間浸淫喺沙啞聲之中，所以呢份感覺都熟悉嘅。」陳豪續說：「呢個角色好多微細變化位需要特別注意，監製特別提醒我不要過份瘦削，佢話雖然係反派，但不能過分猙獰。」
破毒強人｜蕭正楠角色慘變「無感神探」
蕭正楠的角色「葉浩天」設計同樣別具特色，身為毒品調查科行動組督察，當年埋伏文華身邊做臥底，雖將文華繩之於法，但卻因在千鈞一髮之際被踢爆真正身份，遭文華施毒手注入大量毒品以致大腦杏仁體嚴重受損慘變「無感神探」，既失去情感，亦同時失去同理心及恐懼感，剩下的是全神貫注的查案及刻板無味的生活，就連晚飯，也天天吃著同一款意粉。
破毒強人｜蕭正楠精心設計「意粉位」
這個別有意思的意粉位，其實是蕭正楠為了突顯角色的精心設計：「今次個角色真係好難去捉點演，因為冇感覺、冇感情，基本上連驚同痛嘅感覺都冇，正常演員要交戲嘅位，我就要完全唔交戲；我同監製傾過，我哋覺得要做無感就做到底，所以我劇入面會貫徹『零表情』演技去到極致，所以主要只能喺啲細位度做功夫，好似服裝我揀全黑，生活細節度都加咗啲戲，有四、五場屋企食飯戲，我話既然佢食咩都冇感覺，畀好單一嘅嘢食就得，所以每次都係整蒜蓉意粉。」
破毒強人｜女主角胡定欣再戰女強人角色
之前憑《廉政狙擊》屠敏贏盡好評的視后級人馬胡定欣，繼《白色強人》及《廉政》後再戰女強人角色，飾演見錢開眼的金融女強人章琳，在無綫官方發放的首輪角色預告片中，章琳一句：「我真係好鍾意錢，用幾千萬嚟積一個福，我真係唔捨得」，配以定欣強勢且充滿野心及自信的眼神，相當搶戲。
破毒強人｜張曦雯角色做打女應付動作場面
至於飾演毒品調查科行動組高級督察Jackie的張曦雯（Kelly），除了為了打造角色強悍感專誠短髮上陣，更要應付連串動作場面。張曦雯開劇前接受了相關動作訓練，片中除了要與劇中拍檔反覆練習走位，更要不停練習起飛腳、對打、開槍及前滾翻等不同動作；其間Kelly除了起飛腳時又直又高盡顯好腿功，開槍時亦型格十足兼雙眼有火。
破毒強人｜張曦雯演Madam為神似建議叫「阿Dam」
張曦雯透露為應付劇中動作連場，要做足事前準備功夫，除了接受特訓，還要私下多做運動：「要開始鍛鍊番多啲，先應付到咁多動作戲。其實第一日練完已經痛咗一日，估計今日（第二天動作訓練）再練嚟緊都會痛幾日。」監製更大讚Kelly相當專業，為了演Madam演得更神似，更專誠向警察朋友取經、了解警察生活及工作日常，他說：「劇入面啲人叫Jackie做阿Dam，就係Kelly佢建議嘅。我覺得佢無論聲線、表情同落指令個樣，都係入型入格。」
破毒強人｜何廣沛演啞巴首度挑戰全手語演出
何廣沛飾演的啞巴外送員徐安樂，為了賺錢脫貧、讓妹妹及青梅竹馬的阿Wing（郭柏妍飾）有更好生活，安樂毅然走上運毒歪路，並與陳豪飾演的「一代毒王」文華及章琳結下不解緣。何廣沛今次首度挑戰全手語演出，並坦承終於畀「對白」考起：「之前當然有上堂學過啦，真係成個鐘都比手語唔出聲架。但正式拍嗰陣難度好高，因為真係唔止背對白咁簡單，好多時都會做做吓唔記得點做落去，搞到係咁NG，大家之後睇花絮片就會明。有時反覆係咁做手語，都試過抽筋同埋手指打結。」
破毒強人｜演員角色人物關係
- 陳豪 飾演 文華
- 胡定欣 飾演 章琳
- 蕭正楠 飾演 葉浩天
- 張曦雯 飾演 丁若寧
- 何廣沛 飾演 徐安樂
- 郭栢妍 飾演 區子穎
- 張寶兒 飾演 林可兒
- 蔣志光 飾演 鄭福田
- 朱智賢 飾演 沈淑賢
- 曹永廉 飾演 楊尚榮
- 馬貫東 飾演 杜飛
- 韋家雄 飾演 陳子波
圖片來源：節目截圖、劇集截圖、TVB
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
《社群狂歡大激賞》！送hellolulu最新系列袋款🎁！
