寵愛Pet Pet|演員陣容/劇情簡介 36歲林夏薇27歲周嘉洛年齡差8年首度合作共譜姐弟戀

文: 羅志宏
2023.08.11

《寵愛Pet Pet》演員角色、劇情簡介、人物關係|TVB新劇《寵愛Pet Pet》演員陣容有林夏薇、周嘉洛、姜大衞、黃子恆、古佩玲、徐榮、陳庭欣,劇情主要圍繞資深獸醫金惠婷Paula和動物傳心師汪聲仁,播放時間為7月31日晚上9時30分。

寵愛Pet Pet|最新劇透預告

寵愛Pet Pet分集劇情|第1-5集:林夏薇與周嘉洛產由誤會開始邂逅 冬甩突然離家出走

寵愛Pet Pet分集劇情|第6-10集:林夏薇放棄為冬甩絕育 冬甩被控訴令狗狗阿努比斯懷孕

寵愛Pet Pet分集劇情|第11-15集:林夏薇周嘉洛突然劃清界線

寵愛Pet Pet分集劇情|第16-20集大結局:周嘉洛排除萬難向林夏薇求婚

寵愛Pet Pet|劇情大綱:林夏薇周嘉洛8年差姐弟戀

獸醫金惠婷(林夏薇飾)與男友分開後,帶同狗狗冬甩搬進西貢開展新生活。惠婷在新的工作環境遇上寵物讀心師汪聲仁(周嘉洛飾),因二人對寵物價值觀不同,時起衝突。一次意外,聲仁得到與金醫生「愛犬」冬甩溝通的能力,阿仁幫助冬甩逃離被閹割厄運,冬甩則幫助阿仁解決工作問題,阿仁與金醫生亦因冬甩關係漸生情愫。一人一狗逐漸建立友誼,成為了這對鬥氣冤家並互相幫忙。

聲仁從冬甩口中得悉惠婷為情所傷,助她解心結,二人關係好轉,且慢慢互生好感,卻因年齡差異,感情裹足不前。冬甩欲撮合二人卻鬧出不少笑話,甚至弄巧反拙;二人亦各自有追求者,令彼此關係再添障礙……

寵愛Pet Pet|女主角林夏薇用愛犬練戲

林夏薇劇中飾演獸醫金惠婷Paula,拍攝前獲劇組安排向專業獸醫學習,她笑言:「喺屋企會攞啲狗狗嚟練習!」出名是愛動物之人的她受訪時說:「自己有養開寵物,同埋又好鍾意動物,所以一直都好想參與呢一類嘅題材,亦都好想通過呢套劇傳達正能量訊息。」

寵愛Pet Pet|金毛尋回犬「冬甩」真名叫Romeo

林夏薇與飾演其愛犬「冬甩」的金毛尋回犬Romeo有不少對手戲,「冬甩」在劇中十分奀皮搗蛋,經常搞破壞激嬲媽咪,但現實中Romeo非常乖巧,與林夏薇首次見面已勁嗲,可謂一見如故,林夏薇說:「佢好乖好有靈性,我會經常同佢傾偈同玩,又會買嘢請佢食,佢每日返廠都會飛奔撲向我!」林夏薇又大讚Romeo演技出色:「有時睇番啲片,原來冬甩係演得最好嗰個,畀佢搶晒啲戲!」

寵愛Pet Pet|鍾柔美Yumi唱主題曲、林夏薇唱插曲

林夏薇為了劇集出心又出力,主演之餘又獻唱插曲《因為有你》,並有份執筆填詞,薇薇說:「呢首歌係寫畀我三隻狗嘅,當時我其中一隻狗要做大手術,覺得好感觸,就同兩位朋友一齊創作咗呢首歌,自己填詞嘅時候都邊喊邊寫。」劇集主題曲《寵寵》則由Yumi鍾柔美獻唱。

寵愛Pet Pet|演員角色人物關係

  • 林夏薇 飾演 金惠婷
  • 周嘉洛 飾演 汪聲仁
  • 姜大衞 飾演 金青松
  • 黃子恆 飾演 羅定風
  • 古佩玲 飾演 錢敏莉
  • 徐 榮 飾演 杜志德
  • 陳庭欣 飾演 程何婉琴
  • 何沛珈 飾演 謝嘉嘉
  • 楊證樺 飾演 史立言
  • 招浩明 飾演 何家豪
  • 梁雯蔚 飾演 徐之穎
  • 梁菁琳 飾演 顏采兒


圖片來源:劇集截圖、TVB


同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓