的士司機遇內地「大豪客」包車!8小時跑6景點!幫手做1件事有貼士收爽賺$2800?

文: 黃樂恩
2023.07.31

最近有的士司機在Facebook發文,指自己返工期間遇上一名內地乘客「包車」,沒想到短短8小時,只需經過6個景點,行程非常輕鬆,其後更因為一個原因「包車」連貼士共獲得$2,800報酬。相關帖文很快在網上引起關注,不少網民羨慕樓主遇上「大豪客」,並詢問「師兄你休息使唔使幫助」,有興趣可入內文睇詳情啦!

日前有的士司機在Facebook群組「的士司機資訊網 Taxi」發文,指自己遇上「1支超級大旗攪掂」,他表示自己前一日在高鐵站接載了一名內地遊客,當時乘客詢問樓主翌日可否提供「包車」服務,而樓主也答應了對方,並在第二日早上9點在九龍酒店接載該名乘客。樓主表示,當日分別去了故宮博物館、中環摩天輪、鏞記、赤柱廣場、銅鑼灣Sogo,最後他在5點把對方送到上環信德中心港澳碼頭,提供共8小時接送服務,整趟包車費用為$2,800,行程非常輕鬆,讓他不禁大讚「多謝老闆 如果日日都有呢啲豪客都幾正」。

其後樓主又在留言區補充道,指「本身包車喺$1800蚊」, 但後來他得知乘客昨日在中環某藥房消費時「被呃」,於是決定與乘客一起去退貨,最後成功取回退款,「佢咪醒多1千蚊比我」,對方更表示「11月會再來香港,到時包我1個星期車」。

不少網民看到帖文後紛紛作出回應,「大豪客千年難遇,師兄去買張六合彩。」、「錢都比你搵哂」,更有的士同行詢問,「師兄你休息使唔使幫助」。不過亦有不少網民認為樓主所經歷的太不現實、不合乎邏輯,質疑今次事件的真實性,「包架7人車好過喇,又坐得舒服」、「喺行內就知大話連篇」、「一般騙徒手法」、「呃人入行?」當中更人表示,「呢位師兄 琴日又包車 今日又包車 想呃人入局租車都唔好呃得咁密,好易穿煲」,其後又指網上很多騙案,建議大家「黎呢度睇完笑下就算 唔好當真」。

對於網民質疑,樓主就分享了自己與該乘客之間的對話截圖、通話記錄,「尋日同今朝同個客微信對話 我都喺第一次遇包車2日」,強調自己有證據,並非是「呃人入行」、「大話連篇」。

來源:FB@的士司機資訊網 Taxi

【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓

↓ 結合「氣炸」同「烘焙」︱0.2秒即熱︱7種烹調模式↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓