大家有無諗過：有一日，同你關係疏離兼多年無同住嘅母親，拿來一份公屋申請表叫你簽名，竟然係因為要你申請刪除公屋戶籍，但你係從來無申請過公屋，亦從來唔知自己有呢個戶籍呢？！咪以為呢個係電視劇劇情，《東張西望》節目就出現有一位有咁嘅遭遇嘅苦主，究竟佢可以點做呢？
============
同場加映：
【家居達人】瞓覺都有學問 專家教你點樣瞓得好 一定要夠8個鐘？半夜札醒發夢無問題、食褪黑素呃個腦？
============
32歲嘅阿明，係母親安琪同當時男友所生，而喺出世紙父親一欄處係無父親名。而一直以來阿明都無真正同媽媽一齊生活過，阿明更稱12歲前，同生母安琪並無聯絡！被生母拋棄嘅阿明，童年時係婆婆湊大，後來又輾轉去過天水圍兩間兒童之家寄宿，仲不幸令佢出現創傷後遺症，需要接受精神康復治療。成長期之中，唔少時間喺中途宿舍度過，又試過返到婆婆公屋家居住，至今主要寄居喺朋友屋企，但從來未有申請過公屋。
阿明係母親安琪同當時男友所生，故出世紙父親一欄處係無父親名，而阿明亦無真正同媽媽一齊生活過。
阿明成長期輾轉去過天水圍兩間兒童之家寄宿，仲不幸令佢出現創傷後遺症，需要接受精神康復治療。
母親隱瞞有公屋戶籍10年 向房署申請分戶被拒
2020年某日，安琪忽然約阿明見面，話想幫阿明申請公屋，畀張表格佢簽名，但原來係要刪除阿明戶籍，令阿明相當震驚，阿明聯絡房署，先知道原來安琪一直瞞住阿明，利用同阿明嘅母子身份申請咗公屋，因為成功率較高，其實喺2013年母子獲派天水圍一公屋單位，但只有安琪一人住，阿明一直有公屋戶籍而不自知！原來安琪想將而家第4任丈夫嘅名加入公屋戶籍，所以要刪除阿明戶籍！而阿明更發現，原來十年以來，公屋單位每兩年一次嘅入息審查，安琪一直冒認阿明簽名！甚至阿明去年改咗名，房署嘅文件仲係用緊舊名。但原來安琪與現任丈夫嘅入息總和「超標」，所以若刪除阿明戶籍加入丈夫，安琪未必仲可似合資格保留公屋單位。
某日安琪以幫阿明申請公屋為由約見阿明，誰知竟然係遞上刪除公屋戶籍嘅表格。
阿明而家想有自己嘅家，向房署提出分戶或者恩恤徙置，但房署拒絕咗申請，因為以前者為例，阿明根本未試過同阿媽同住，所以證明唔到有相處糾爭及不和而有「分戶」嘅需要，而後者亦因為無社工幫阿明跟進，故亦不了了之。阿明堅持保留公屋戶籍，因為一旦戶籍被刪除，想入住公屋嘅話，就要從頭申請。而對於領取綜援及只做兼職嘅阿明，租金帶嚟沉重生活負擔。
阿明向房署提出分戶或者恩恤徙置，但因唔符合資格及無社工跟進而唔成功。
阿明堅持保留公屋戶籍，因為一旦戶籍被刪除，想入住公屋嘅話，就要從頭申請。
阿明雖然偶有同生母安琪飯聚，但關係疏離，人生完全感受唔到母愛，所以一直直呼母親為安琪，攝製隊去公屋單位樓下等到安琪，但安琪只走避唔肯回應及交代要阿明刪除戶籍事件。阿明表示而家好想擁有屬於自己嘅屋企，但話搵過社工、區議員及房署，都無人幫到佢！
攝製隊特地搵過阿明生母安琪，但對方只懂走避，逃避回應問題。
text/Joyce
photo/電視截圖
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
