寵愛Pet Pet|金毛尋回犬冬甩配音員原來是TVB男藝人阮政峰 首度挑戰正式配音初試啼聲贏正評

文: 羅志宏
2023.08.05

TVB新劇《寵愛Pet Pet》開播以來,不少觀眾除了讚男主角周嘉洛今次的演技跳出了「金城安」的影子,更大讚劇中的金毛尋回犬「冬甩」配音生鬼有趣,令人出乎意料的是,「冬甩」原來是由TVB男藝人阮政峰負責配音。

寵愛Pet Pet|冬甩配音員阮政峰

由於金毛尋回犬「冬甩」佔戲甚重,監製陳耀全為「冬甩」挑選「配音員」時甚為謹慎,既不想太卡通、亦希望帶點童真;結果經過多番Casting仍未能找到心水聲音,最終在演員兼資深配音員蕭徽勇建議下,選擇了在《愛.回家之開心速遞》中飾演池子孝的阮政峰,更大讚阮政峰表現「恰如其分」。

寵愛Pet Pet|阮政峰《好聲好戲》初試啼聲贏正評

阮政峰在第二季《好聲好戲》中曾與蘇韻姿拍檔聲演,精彩表現在當時已獲不少讚賞;今次是政峰首度挑戰正式配音,監製專誠找來資深配音員黃鳳英在政峰錄音首日全程從旁指導,鳳英姐亦爽快答應監製請求;而蕭徽勇一有空亦會探政峰班並給予意見,相當有愛。

寵愛Pet Pet|阮政峰得專業配音員幫忙

阮政峰坦言配音初期感到迷惘,他說:「對於我嚟講要拎走晒肢體動作同表情,淨係靠把聲去演繹係有難度,好彩有鳳英姐同埋蕭徽勇幫忙,同埋監製喺現場親自指導,所以都好快上手。」

談到為「冬甩」配音,阮政峰說:「大家一致認為唔好扮BB聲,所以都盡量似番自己把聲,但就比較Hyper啲。我自己都好鍾意配音,同埋都好多謝前輩畀咗電影試音機會我試,希望有機會中啦!」

 

圖片來源:劇集截圖、TVB


同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票】香港來回鹿兒島機票+獨家優惠碼!↓

↓把握機會!立即參加羸免費機票↓

↓把握機會!立即參加羸免費機票↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓