牆身若出現發霉的情況除了影響美觀外更加會令健康受影響，如果屋企牆上出現霉菌又可以點處理呢？日前就有網民於Facebook一個家居群組上求助，指在屋企床邊的牆上發現霉菌，就算用漂白水抹過後，隔了幾天霉菌又再出現，而且情況比起之前更加嚴重，因此就向網民尋求解決方法，帖文亦引起了一眾網民熱烈討論牆身發霉的成因以及解決辦法！我們亦找來家居清潔專家分享解決牆身發霉的方法。
============
同場加映：
【家居達人】防貓網7大安裝須知 邊款最安全？與蚊網有咩分別？
============
用漂白水抹牆上霉菌冇用？要噴漂白水先至有效？
該名網民於Facebook群組「家居裝修設計分享Group」上發文求助，指自己屋企於去年11月才完成裝修工程，但最近就發覺到床邊的牆身上有霉菌出現，就算用了漂白水清潔都無法根治問題：「上年11月先裝修完，估唔到咁快就咁～～～床邊啲霉菌用漂(白)水布抹完，過幾日又出曬(哂)黎(嚟)，仲好似越嚟越多越嚟越嚴重，各位大師有冇咩解決方法？」。
對於牆身發霉的情況，有網民指用漂白水抹只會令情況更差：「其實唔知邊個智障教人用漂白水抹，越抹越多越大撻，然後連d(啲)灰都撲起」，亦有網民使用漂白水去除霉菌應以用噴灑的方式：「漂白水唔係抺，係要只係噴，稀釋漂白水噴完由佢自然乾」
有網民表示自己家中牆身出現發霉的情況，就算以加上漂白水的抹布去清潔都沒有辦法將問題根治，反而令霉菌出現得更多。
有網民指漂白水去抹牆上的霉菌只會弄巧反拙，更可能令牆灰受損；而有網民則指出要以噴漂白水的方式清除牆上霉菌才會有效。
應用消毒酒精清潔？除霉產品效果一流？
對於解決牆身不斷有霉菌出現的問題，有網民建議可用酒精將霉菌去除：「我會噴啲消毒火酒落濕咗少少嘅易潔紙抹，可以抹走晒，下一年黃梅天先再有」，有網民就表示曾使用過萬潔靈的除霉產品以對付霉菌，其效果非常顯著：「我試過成個天花發霉，用咗呢支噴之後冇再發霉」、「這款，有個位長期太陽晒(曬)唔到又唔通風。比你更嚴重。噴濕紙巾放清潔位，幾個鐘就得」，亦有網民推介一支購自淘寶的除霉劑：「我住村屋地下，濕到難以形容，霉到世界地圖都出埋嚟，淘寶搵到呢隻噴白牆，好work，噴完白返晒，不過是否使用見仁見智」
有網民指使用消毒酒精去除霉菌非常有效，其去霉效果更可持續到下年的春天。
萬潔靈的除霉產品亦有被網民們推介。
有網民表示自己所居住的村屋有極為嚴重的發霉問題，但使用了在淘寶購買的除霉劑後，發霉問題便立即解決。
發霉係因為熄冷氣後即刻開窗？ 同裝修後立即裝傢俬有關？
至於導致牆身發霉的原因是甚麼，有網民就猜測可能是與開冷氣時並將窗戶打開一些或於關冷氣後便立即開窗有關：「係咪開冷氣冇開小小窗呀？我以前開冷氣唔開窗，溫差倒汗水攪(搞)到牆發晒霉，而家長開小小窗」、「關左(咗)冷氣唔好咁快開窗，會冷凝有利霉菌生長」、「唔好一熄冷氣就開大門窗，要等房間慢慢自己變返室溫」，亦有網民認為與於裝修不久後便安裝傢俬有關：「應該裝修完，菜膠福粉未收哂水後，安裝傢俬，就會出現霉菌，最少上完灰兩星期後裝傢俬就唔會出現霉菌」、「可能牆未完全乾透就安裝牆板，牆無得透氣，霉就這樣谷出嚟」
有網民指關冷氣後立即開窗會令室內出現冷凝的情況，有可能是霉菌滋生的原因之一。
有網民則認為於裝修工程結束後馬上組裝傢俬亦會令霉菌滋生。
家務清潔導師：應用酒精加水抹走霉菌 再用風扇吹乾
家務清潔導師Miss Cheung為我們分析牆身出現發霉的情況，有可能是因天氣潮濕，地面返潮而令水氣黏在牆上從而滋生霉菌，她建議可用清水將酒精溝稀，以稀釋酒精水把毛巾沾濕然後抹於發霉的地方上，待半小時後再用抹布輕輕將霉菌抹走，而防止霉菌再次滋生，則可用沾了水的㕑房紙再次清潔該處，最後並用風扇吹乾。
Miss Cheung另外亦建議關冷氣前可將冷氣機調較至風扇模式，可避免造成過大的溫差而令濕氣積聚導致霉菌滋生，另當回南天時應於早晚將門窗關上，以防室外濕氣流入家中，同時亦可使用抽濕機將室內的濕氣抽走，而於洗澡後亦應將浴室門關好並開啟抽氣扇以防止水氣走到浴室外引至霉菌滋生。
家務清潔導師Miss Cheung指可用稀釋酒精水將毛巾沾濕後抹有霉菌出現的位置上，清除霉菌後再用水沾濕㕑房紙並再次清潔，最後並用風扇吹乾以防止霉菌再次滋生。
Miss Cheung建議關冷氣前可將冷氣機調至風扇模式，可減少因溫差而出現的濕氣，以避免霉菌滋生。
text/Jonathan
photo/HKET圖片庫、花王、淘寶、Dantherm Group
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
