香港地少人多、樓價高企，一屋難求嘅情況下，甚至有人18歲就開始申請公屋。不過公屋輪候時間長就眾所周知，派到高樓齡、地方偏遠或附近交通佩套唔完善嘅單位，真係想要又揀唔落手。近日就有網民係討論區以「個個都派新樓，唔通個個都想要新樓咩？派舊公屋本來好失望結果...」為題，同大家分享自己一手一腳裝修嘅公屋單位，唔少網民都大讚設計好靚，一齊睇下有咩特別啦！
============
同場加映：
【蝸居睇樓團】680呎日系單位散佈33樣BRUNO家電家品 襯柔和粉色兼多用途傢俬
============
屋主稱公屋上樓一年，上年7月獲派呢個40年樓齡嘅舊公屋單位，當時真係有啲失望，畢竟新落成嘅公屋都唔少，人人都獲派新樓時，自己卻抽到舊單位。但到現場睇嘅時候，發現陽台望出去風景都幾靚，所以下定決心將單位打造成自己嘅理想蝸居！
剛剛提及嘅陽台，竟被屋主打造成一個小田園般嘅空間，仿如走入愛麗絲夢遊仙境一樣。
得閒喺陽台邊睇風景邊食tea，都真係幾chill啊～
「廚房雖小，五臟俱全」，小小嘅空間有齊哂砂煲罌罉，物品擺放得井井有條。
全屋300幾呎嘅地板都係屋主親手鋪㗎，咁又可以慳一筆錢！
屋主強調生活需要儀式感，無論客廳定陽台都佈置咗鮮花，心情都開朗啲。
只要花啲心思同時間佈置，舊公屋都可以改裝得好靚，好有溫馨嘅感覺。
Text/ Bee
Source/ Alice@公屋討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
