早前《東張西望》提到一位65歲的婦人維修電腦被開價$880維修費，當時與對方討價還價後獲得$30折扣，沒想到回家後發現貨不對辦，不但在第二天親身到店投訴，其後更在社交群組上「唱衰電腦店」，呼籲街坊不要惠顧。沒想到婦人之後竟收到ICAC的來電，指控她涉嫌向一間電腦公司行賄$30？其後電腦店也作出回應，即入內文睇詳情啦！
據《東張西望》報導，65歲的Moon姐去年2月時因電腦Hard Disk（硬碟）損壞，於是到大埔寶湖花園商場的一間電腦店維修，當時對方開價$880維修費，但當時Moon姐認為維修費太費，就和電腦店討價還價，最後爭取減價$30，以$850來完成交易。
但Moon姐回家後卻發現硬碟由原本的1000GB換成512GB，當時她覺得很生氣，覺得有被欺騙之嫌，並在第二天親身到店投訴，鬧爆對方做街坊生意都呃，「嗰幾百蚊我豪比你啦，下次永不交易！」同時Moon姐更展開大報復，於有多名屋苑業主的社交群組以及社交平台「唱衰電腦店」，指控電腦店營商手法有問題，呼籲其他人不要惠顧該店。
沒想到之後她就收到ICAC的來電，對方清楚說出自己的姓名、地址，並指控她涉嫌向一間電腦公司行賄$30。當時Moon姐百思不解，其後才想起自己在電腦店講價$30，最終變成行賄？原來Moon姐曾在2017年於所在屋苑擔任業主立案法團成員，但她表示「是7年前的事，我做咗一屆 已經無做好耐，話我利用委員身分行賄$30」，當被女主持問及是否曾說過一些話構成行賄 、提過自己是委員身份時，她則斬釘截鐵否認，「我嗰時唔知有無提，因為我好激動，但整電腦同我係咪委員有咩關係」。
其後Moon姐在11月再收到ICAC信件，今次信件則指「委員會認為投訴欠缺實據支持，因此建議廉政公署終止調查」。雖然ICAC亦有說因為證據不足而取消案件，但Moon姐似乎不想罷休，質疑電腦店為了$30而告到ICAC，會不會有點小題大造？同時又鬧爆ICAC前線人員在沒有實據支持而開立檔案，「你哋做嘢唔恰當，無證據開咩File告我」。
其後東張團隊陪同Moon姐到電腦店對質，電腦店職員表示有聽聞今次事件，但詳情細節只有老闆清楚。而事後電腦店老闆亦有傳訊息給節目組，直指「Moon姐以法團身份索取利益，案件已交由ICAC調查」，訊息內更附上電腦店寄給消委會的投訴回應，雖然並非是向廉署作出舉報的文件，但信中提及Moon姐曾自稱是業主立案法團委員，要求店主以$850為她更換1000GB的硬碟，並強調「以後你想喺到搵食咪睇住嚟囉」。而電腦店老闆也在信中提及，「惟事隔多月，本人以為事件告一段落，該錄影片段以告流失，未能提供予貴會作證明」。
而Moon姐看到訊息內容後，她第一時間否認，「我無講過呢啲說話，我講？發癲啊佢，我無要求佢賠錢，我純粹鬧佢騙咗我錢」，直指信中內容並非屬實。當主持一再追問「有無自稱係業主立案法團？」其後Moon姐又突然轉口風，指「我唔記得有無講，事實上當時已經做完呢個Deal，我自己無諗住有講過，事實上有時我記性唔好，我所記得維修電腦同業主立案法團無關係」。
來源：東張+
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
