社交媒體盛行，唔少人都會喺平台上分享自己嘅生活點滴，而「Sharenting」亦開始流行起來，呢個詞彙結合咗Sharing（分享）及Parents（父母）嘅意思，指父母喺社交媒體上分享子女嘅生活及養兒經驗等。但其實將孩子們嘅模樣及資料公開地展示於大眾目光之下，可能會導致資料洩漏風險，應尊重及保障子女嘅個人私隱。
============
同場加映：
【家居達人】瞓覺都有學問 專家教你點樣瞓得好 一定要夠8個鐘？半夜札醒發夢無問題、食褪黑素呃個腦？
============
個人資料私隱專員公署日前發出《Sharenting家長「放閃」須知》單張，提醒家長喺網上分享子女日常生活時應該要注意嘅事項。私隱專員鍾麗玲指出：「『放閃』睇落並無殺傷力，但過度喺網絡上分享子女生活點滴可能會為佢哋嘅將來帶來長遠影響，甚至影響佢哋日後升學或就業前景。因此，我鼓勵家長與子女溝通，喺分享任何帖文前先聽取佢哋嘅意見，以尊重子女嘅私隱和個人意願。『放閃』前應停一停，諗一諗。」
鍾麗玲喺電台節目中表示：部分家長甚至會直播子女沖涼，又會將子女成績表整份放上網，被放上網嘅成績更單連同其他同學資料等，導致其他家長投訴，直言情況「唔係太理想」。佢又話家長應該「將心比己，自己大個咗，見到呢啲嘢未必咁開心」，佢指今次發佈嘅「家長放閃須知」，目的係希望提高父母對私隱嘅警覺性及意識。
鍾麗玲呼籲家長將子女放上網之前，要多點留意細節，如會否洩露個人資料。同時亦要徵求子女嘅同意，並尊重其意願，更加唔好為咗「Like」而過度分享子女嘅生活狀況。
Text/ Bee
Source/ 香港個人資料私隱專員公署、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
