網民熱議：邊一款信箱鎖最好用？ 機械密碼鎖/電子密碼鎖/定係指紋鎖？

============
同場加映：
【家居達人】防貓網7大安裝須知 邊款最安全？與蚊網有咩分別？

============

所有信箱鎖都容易安裝？ 最緊要保留原裝鎖舌？
該名網民於Facebook「家居裝修設計分享Group」上發文，並附上4張分別為指紋鎖、機械密碼鎖以及電子密碼鎖等的信箱鎖圖片，問網民邊一款信箱鎖會係又平又容易安裝：「想請教邊隻又平又易安裝？」，對於邊一款信箱鎖易於安裝，有網民表示自己曾於淘寶所購的密碼鎖又平又易安裝：「我換了8個字密碼鎖，淘寶$54人仔，超正，易裝」，亦有網民指全部新式信箱鎖都容易安裝，但需保留原裝鎖舌以防新購的鎖舌不適用：「全部都易裝 ，記住keep返條原裝鎖舌，淘保(寶)/深水埗買返黎(嚟)可能鎖舌長度唔岩(啱)」

有網民發文求助問以下幾款的信箱鎖邊一款是既便宜又容易安裝。

有網民指所有款式的信箱鎖都客易安裝，但需注意的是要保留原裝鎖的鎖舌，以防新鎖的鎖舌長度與信箱尺寸不合符。

指紋鎖方便又夠穩定？ 係最安全唔怕畀人撞密碼？
一眾網民亦相繼討論邊一款信箱鎖會係最好用，有網民表示曾使用過兩款密碼鎖後轉用指紋鎖，認為指紋鎖會係最好用的信箱鎖：「之前用過3608(電子密碼鎖)，但感覺唔係好穩定，之後換左(咗)2204(機械密碼鎖)，但老花，每次開都花(不)少時間。最後換左(咗)指紋，開心晒。我買果(嗰)款指紋(鎖)較貴，好似170人仔…但有App設定，用左(咗)幾個月，暫時好穩定」，亦有網民稱指紋鎖最為方便：「指鈫(紋)(鎖)好放(方)便，密碼我就寧可用匙」，有網民則認為指紋鎖相對上會較密碼鎖更安全：「排除鎖匙款，呢3款最安全係指紋(鎖)，密碼鎖如果座頭唔理而條友又夠無聊撞密碼…」

有網民指指紋鎖於使用上穩定之餘亦夠方便，另亦會比起密碼鎖更加安全。

電子密碼鎖比機械密碼鎖較好？ 用機械密碼鎖會轉到眼都濛？
至於密碼鎖方面，有網民指電子密碼鎖會比起機械密碼鎖更好，機械密碼鎖於使用上會較為不便：「用緊3608(電子密碼鎖)嗰款，好用，4-5個月換一次電，2204及705(機械密碼鎖)唔建議用，轉到眼濛濛都睇唔到」，更有網民表示使用了機械密碼鎖兩日後便後悔：「換過一個密碼鎖，用咗兩日之後即刻換返用鎖匙！密碼鎖行埋去睇唔到，扭一大輪十幾廿秒都唔中，用鎖匙一插入一扭，唔使一秒，開咗！」，不過亦有網民則不建議使用密碼鎖，認為其存有安全隱憂：「最好唔好用密碼鎖，其實密碼鎖就係最容易爆嘅鎖」

機械密碼鎖所獲的評價不甚佳，網民指於實際使用時會有困難，需花不少時間將密碼鎖打開。

text/Jonathan
photo/家居裝修設計分享Group、淘寶