好多人執屋時先發現，原來屋企儲落唔少硬幣銀仔，雖然而家日常用電子貨幣居多，但銀仔話晒都係錢，無理由就咁放喺度變古董㗎嘛！想處理咗屋企呢批「神沙」，咁就要留意金管局兩部專收硬幣嘅收銀車，喺8月11月嘅出沒嘅時間同地點喇！如果啲銀仔太舊或者太污糟，會唔會不被回收嘅呢？
============
同場加映：
【家居達人】防貓網7大安裝須知 邊款最安全？與蚊網有咩分別？
============
呢架收銀車，其實係源自金管局2014年10月推出嘅硬幣收集計劃，亦是全球首個有系統嘅流動硬幣收集計劃，利用兩部收銀車輪流喺全港18區為市民提供免費收集硬幣服務，並將收集嘅硬幣回流市面，提高硬幣流通，減少鑄造新幣嘅需要。 直至2022年11月30日，硬幣收集計劃通過兩輛收銀車已經進行咗共1,016,000宗交易，收集咗共8億1千2百萬枚硬幣，總面值更加達到12億5千3百萬港元。
收銀車回收銀仔程序係點樣？市民要預先做啲乜？
-市民毋須預先將唔同面值嘅硬幣分開
-服務人員會要求市民，拆除包裝並將所有硬幣倒進服務人員提供嘅膠盤，篩走雜物及塵埃後方進行點算
-每人每次回收上限為大約10公斤硬幣，超出10公斤者，需要分次輪候使用服務
-服務人員會檢查硬幣狀況，如果發現有雜物、生鏽、染色、沾水、發霉或不可辨認嘅硬幣，會取出並交還市民，以免影響機器正常運作
-硬幣必須通過硬幣點算機方可結算，硬幣可能因自然損耗而被硬幣點算機退回
-若客戶唔同意經點算嘅硬幣金額，可全數取回硬幣。確認金額後，服務人員會印發收條，經確認嘅硬幣，將唔會退還畀客戶
-客戶可將經點算嘅硬幣全數換作現金，或將全數或部分用作增值至儲值支付工具
-收銀車唔接受港幣以外嘅其他硬幣，亦唔提供紙幣或硬幣找換服務
市民攞銀仔去銀仔車前，毋須預先將唔同面值嘅硬幣分開。
硬幣收集計劃會收邊啲銀仔？
硬幣收集計劃接受嘅香港流通硬幣包括：
-1982年或以後的一毫硬幣
-1975年或以後的二毫硬幣
-1977年或以後的五毫硬幣
-1978年或以後的一元硬幣
-1975年或以後的二元硬幣
-1980年或以後的五元硬幣
-所有十元硬幣
十蚊硬幣當然係可以回收嘅其中一款硬幣。
邊啲銀仔唔接受回收？
-發現雜物、生鏽、染色、沾水、發霉或不可辨認的硬幣，工作人員會取出並交還客戶
-硬幣因機會因自然損耗而被硬幣點算機退回
-唔接受港幣以外嘅其他地方硬幣
-唔會提供紙幣或硬幣找換服務
如果啲硬幣太舊，有機會因自然損耗而被硬幣點算機退回。
點算完嘅銀仔，可以變電子貨幣？
經收銀車點算嘅硬幣，可以全數換作現金，或將全數或部分用作增值至儲值支付工具，如八達通卡、支付寶香港、八達通銀包、拍住賞 TNG Wallet、WeChat Pay，另車內設有公益金捐款箱，供大家做善事。
經收銀車點算嘅硬幣，可以全數換作現金，或增值去如八達通等支付工具。
銀仔車8至11月出沒日期及地點
| 日期 | 收銀車 1 號 | 收銀車 2 號 |
| 8月14日至8月20日 | 中環昃臣道路旁停車處 (和平紀念碑旁) 8 月 14 日 (星期一) 至 8 月 15 日 (星期二) 上環永樂街 118 號路旁停車處 (近上環文化廣場) 8 月 17 日 (星期四) 至 8 月 20 日 (星期日) (8 月 16 日星期三暫停) | 鴨脷洲鴨脷洲邨利寧樓 (8 月 15 日星期二暫停) |
| 8月21日至8月27日 | 灣仔皇后大道東 213 號胡忠大廈 門外路旁停車處 (8 月 23 日星期三暫停) | 深水埗富昌邨富旺樓 (8 月 25 日星期五暫停) |
| 8月28日至9月3日 | 天后留仙街路旁停車處(近港鐵天后站 A2 出口)(8月30日星期三暫停) | 屯門寶田邨第四座(8月28日星期一及8月30日星期三暫停) |
| 9月4日至9月10日 | 北區上水天平里(天平邨天賀樓及救世軍石湖學校之間)(9月6日星期三暫停) | 大埔安浩里八號花園側(9月8日星期五暫停) |
| 9月11日至9月17日 | 黃大仙東匯邨(近匯心樓)9月11日(星期一) 至9月13日(星期三) 鑽石山龍蟠苑龍璋閣側空地(近龍蟠苑商場)9月15日(星期五) 至9月17日(星期日)(9月14日星期四暫停) | 深水埗蘇屋邨金松樓(9月16日星期六暫停) |
| 9月18日至9月24日 | 葵涌葵興路路旁停車處(近葵俊苑葵豐閣)(9月20日星期三暫停) | 元朗錦綉花園商場側停車場9月18日 (星期一) 至9月20日 (星期三) 天水圍天悅邨悅富樓路旁停車處9月22日 (星期五) 至9月24日 (星期日)(9月21日星期四暫停) |
| 9月25日至9月30日 | 荃灣圓墩圍路旁停車處(近寶安商會王少清中學)(10月1日星期日暫停) | 東涌迎東邨迎悅樓側9月25日(星期一) 至9月27日(星期三) 滿東邨滿順樓9月28日(星期四) 至10月1日(星期日)(9月29日星期五暫停) |
| 10月2日至10月8日 | 藍田邨藍泰樓(10月5日星期四及10月7日星期六暫停) | 將軍澳明德邨明道樓(10月3日星期二暫停) |
| 10月9日至10月15日 | 馬鞍山錦泰苑錦基閣10月9日 (星期一) 至10月12日 (星期四) 馬鞍山富安花園商場側之停車場10月13日(星期五) 至10月15日(星期日)(10月10日星期二暫停) | 小西灣邨瑞隆樓側空地(10月13日星期五暫停) |
| 10月16日至10月22日 | 紅磡海逸豪園第九座入口側(10月19日星期四暫停) | 尖沙咀麼地道路旁停車處(近K11)(10月18日星期三暫停) |
| 10月23日至10月29日 | 西環堅尼地城科士街(科士街42-56號對面)(10月26日星期四暫停) | 薄扶林華富(一)邨華安樓(10月25日星期三暫停) |
| 10月31日至11月5日 | 天水圍天耀邨耀民樓(10月30日星期一及11月2日星期四暫停) | 屯門三聖邨滿漁樓(11月2日星期四暫停) |
銀仔車服務時間？
服務時間由上午10時至晚上7時。每輛車內有兩部硬幣點算機，並有人員協助，亦設有電動輪椅升降台，硬幣收集服務不收費用。
銀仔車服務時間由10am-7pm，完全免費。
如果遇上打風，銀仔車會出動嗎？
惡劣天氣安排：如8號或以上熱帶氣旋信號或黑色暴雨警告信號於上午7時生效，暫停服務；如於上午7時至下午2時期間除下信號，信號除下2小時內恢復服務；如於下午2時後除下信號，當日服務取消。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
