56歲江欣燕自爆當年奉子成婚 結婚前夕不幸小產大受打擊 與前夫相識20年因悶而離婚

文: 羅志宏
2023.08.14

現年56歲的江欣燕自1985年參加華星新秀出道後,入行38年以來有過兩段為人認知的情史,包括與張衛健的五年初戀,以及與前夫吳積遜(Jackson)由結婚到離婚。江欣燕日前就接受電台節目《星光背後》專訪,除了詳述了她入行後的這兩段情,更談及復出後由演主角變配角再演母親角色的心路歷程。

談及初戀情人張衛健(健仔),江欣燕指張衛健是早一屆的新秀冠軍,而她同屆參賽者吳國敬是健仔的小學同學,比賽期間健仔來探班因而認識及對她展開追求。江欣燕承認與健仔這段情一直備受父親反對,「因為當時我太細個,會認定他教壞我,會認為要是我們沒有拍拖,新秀比賽結果會好些,唱歌會發展好些,怎會呢?我根本沒學過唱歌,亦從沒想過做歌手。」戀情長期受壓,江欣燕指最後只是因為雙方工作繁忙,令她先提出分手,「我都想喺度解釋返!其實我同佢(張衛健)分手,同當時彼此嘅事業有無起色無關係!只係想停吓,是和平分手!」

2001年,江欣燕與拍拖10年的商人吳積遜(Jackson)結婚,婚後更淡出幕前變身闊太多年。節目中,她首次披露當年決定下嫁Jackson是因為奉子成婚,但結婚前夕卻經歷小產打擊,「最初是驗孕捧兩條線中咗,爹地好開心,個個都話結婚啦,Jackson又訂到生日那天的場地。怎料到五月,我忙完爸爸媽媽結婚周年的主持,突然一次企高拎嘢感到雙腳乏力,再找醫生檢查之後,才發現胎兒沒有生命跡象,醫生指這情況懷孕不足三個月很常見。但我是接受不到,好失望,那還結不結婚呢?但我已約了周刊做結婚的專訪。」江欣燕指結婚表面開心,其實她本人情緒崩潰了好一陣子。

談到2005年復出幕前先過檔亞視,到07年重回TVB拍劇,是否意味著當時她與Jackson的婚姻已出現問題,江欣燕說:「07年我們關係仲好好,拍返嘢只是我受夠自己糜爛的生活,是到13年拍《M Club》我才離婚。」江欣燕重申離婚與第三者無關,「因為同呢個人都相處咗二十年覺得『悶』,最大原因我中間拍返《畢打自己人》,搵返工作那種開心,感覺有返自己的世界,一個人更加開心,就不如分開。」單身十年,江欣燕謂暫未有找新對象的打算:「我結過婚嘛,係好恐怖嘅事嚟㗎,而家不知幾咁自由,哈哈!」

 

圖片來源:《星光背後》、節目截圖

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓