居屋2023剛剛截止申請，今期有9,154個單位供抽籤，6個屋苑中有4個位於市區，本來事前好多人都估反應會好熱烈，點知剛好相反………截止上星期五，收到嘅申請書只有約10.9萬份，如果個交表走勢無喺最後3日突然回勇嘅話，隨時成為2014年復售新居屋以來，最易中籤嘅一期新居屋！令好多政府官員都跌眼鏡，點解會咁？
============
同場加映：
【家居達人】對付黐笠笠油垢！實試5款去油污產品 梳打粉、電解水、除油濕紙巾 邊樣最掂最有效？
============
以六二折推售嘅新一期居屋剛截止申請，截至上周五嘅5pm，房委會累計收到約10萬份居屋網上申請，以及9,100份居屋/白居二紙本申請表，假設紙本申請全部有申請居屋，申請期首12天共收到10.91萬份申請，超額申請暫時為10.9倍。以今期推售共9,154伙推算，若最終申請低於18.1萬份，將成歷來「最易抽中」嘅新居屋。
截至8月11日5pm，居屋2023收到嘅申請書只有約10.9萬份，暫時算係2014年以來最低。
房委會資助房屋小組主席黃碧如估計，今期最終申請數字應仍可達約15萬份，但未必可達18萬份，估計反應不似預期熱烈，相信與加息、樓市氣氛淡靜及本港經濟市道有關。黃碧如認為申請數目比預期減少並非壞事，因為會令今次申請者有較大中籤機會，並稱因居屋單位數目較推售初期有增加，亦有助申請者較易中籤。
而立法會房屋事務委員會副主席、房委會資助房屋小組成員梁文廣亦喺電台節目中表示，今期居屋申請入表數字較他預期為少，有點「跌眼鏡」！佢估計入表申請數字偏低，可能係因為市民見到近期樓價出現下調趨勢，加上油塘新樓盤銷售新策略下定價亦較低，雖然梁文廣認為私樓新樓盤定價低，對申請居屋未必有實際影響，兩者客路並不一樣，不過承認部分白表申請者，可能會認為私樓定價低有機會能負擔，於是考慮轉往私樓市場；另一方面市民喺目前經濟環境下，都要審慎考慮係咪應該入市買樓，導致申請今期居屋嘅意欲較低。他亦提到上期居屋喺疫情及經濟環境欠佳下，都收到超過20萬份申請，而今期居屋有4個新盤位於市區，單位數量亦多，但直到目前為止反應卻比預期差，認為如果最終應約有15萬份申請。
今期居屋單位數量多，而且當中4 個均位於市區，本應反應熱烈，而家嘅入表走勢，令唔少政府人士大跌眼鏡。
近日油塘新樓盤親海駅反應超熱烈，房委會資助房屋小組成員梁文廣唔承認係直接搶咗居屋客，不過樓價走勢下調，的確有令白表客考慮轉往私樓市場嘅影響。
翻查居屋申請紀錄 2019年超額達61.4倍
自從2014年推售復建新居屋以來，今次居屋2023係第八批新居屋，翻查資料，「居屋2016」算係當中申請反應「最冷淡」嘅一期，僅收到5.3萬份申請，以當期提供2,657伙單位計，超額申請僅18.8倍。若以今期推售9,154伙推算，若最終申請未能達到18.1萬份，其超額申請倍數將低於居屋2016，成為復推新居屋以來「最易中籤」嘅一期。另一方面，2018年後每期居屋嘅申請數字，均在20萬份以上，其中以居屋2019嘅30.6萬份申請最多，超額申請達61.4倍。
翻查資料，居屋2019嘅申請書達30.6萬份，超額申請達61.4倍，算是2014年以來最多。
2014年復建新居屋後申請數字統計
| 年份 | 申請總數 | 單位總數 | 超額申請量 |
| 2014年 | 13.5萬份 | 2,160伙 | 61.3倍 |
| 2016年 | 5.3萬份 | 2,657伙 | 18.8倍 |
| 2017年 | 10.4萬份 | 2,120伙 | 48.1倍 |
| 2018年 | 26.2萬份 | 4,431伙 | 58.2倍 |
| 2019年 | 30.6萬份 | 4,904伙 | 61.4倍 |
| 2020年 | 23.3萬份 | 7,142伙 | 31.7倍 |
| 2022年 | 25.2萬份 | 8,926伙 | 27.2倍 |
| 2023年* | 10.9萬份 | 9,154伙 | 10.9倍 |
*截至8月11日下午5時的臨時數字
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】CheckCheckCin原箱蜜桃紙包米水！↓
↓ 助您補益氣血、養陰生津！↓
↓【限時搶⚡】Cetaphil舒特膚溫和護膚系列！↓
↓ 助您改善5大敏感症狀 / 修復及強化受損肌膚屏障！↓
