網民分享：想用曱甴屋捉小強 但竟誤捕10條檐蛇！

============
同場加映：
【家居達人】對付黐笠笠油垢！實試5款去油污產品 梳打粉、電解水、除油濕紙巾 邊樣最掂最有效？

============

曱甴屋誤捕10條檐蛇 網民其後嘗試拯救
該名網民於Facebook「香港滅蟲關注組」發文附上一張可見有10隻檐蛇被困於曱甴屋的圖片，並指本來打算用曱甴屋捉曱甴，但卻誤捕10條檐蛇：「放曱甴屋，諗住睇吓有冇曱甴，點知吸咗10隻簷(檐)蛇，我都唔想㗎，原來我屋企冇乜曱甴」，該網民其後補充指對家中有檐蛇出沒已習以為常，並無殺滅牠們之心，只是不知道曱甴屋亦會補捉檐蛇：「其實屋企經常有呢啲簷(檐)蛇，我都習以為常，一般都隨便他們走動，沒有傷害佢哋，所以應該累積了一定數量，只是不為意原來曱甴屋會令他們受罪」，而在事主的一番努力下，最後亦表示成功救回一條被困的檐蛇：「終於救咗一條，仲有生命」

有網民分享自己在家中所放置的曱甴屋竟然誤捕捉了10條檐蛇。

事主表示其實自己並無傷害檐蛇之心，後來經一番嘗試後亦成功幫助了一條被困的檐蛇脫險。

網民：用油可令檐蛇脫困！
帖文亦引來一眾網民熱烈回應，有網民指事主家中少曱甴是因存有多條檐蛇：「有咁多(檐蛇)，梗係冇曱甴啦，有都畀佢地食曬(晒)啦」，亦有網民笑言在事主捕捉了多條檐蛇後，家中便將會有曱甴出現：「恭喜，你之後就如願地有小強了」、「而家你屋企會有曱甴了！」，而有部份網民則關注多條檐蛇的存活，並指可使用油助牠們脫困：「可以用油幫佢地(哋)脫困，請樓主高抬貴手，倒啲食用油，用棉花棒好輕力慢慢幫佢撥出黎(嚟)！一定要慢慢，唔係好易斷手斷腳」、「我救時用生油，浸開啲膠又要比(畀)佢呼吸到。救出後用噴水壺噴走佢身上啲油同膠。啲膠痴(黐)到佢皮都甩㗎」

有網民指可倒一些食用油在曱甴屋上以令檐蛇脫困。

text/Jonathan
photo/HKET圖片庫、香港滅蟲關注組@FB