《2023香港小姐競選》將於月底8月27日晚隆重舉行，昨日（14日）16位候選佳麗就首度以泳裝造型會見傳媒，展現自信身段。一眾佳麗的泳裝以兩件頭泳衣的設計為主，其中身材最澎湃的大熱16號郭珮文（Juliana）以長髮遮胸的造型艷壓全場，但司儀陸浩明（6號）的舉動就令她直接在台上面露難色，非常尷尬。
大熱門佳麗16號郭珮文（Juliana）出場時就發生一件小插曲。擁有35D上圍的郭珮文今次穿上黑白兩色的泳衣，以長髮遮胸的造型登場，先企定定在台中間讓傳媒拍照，其後司儀陸浩明（6號）就說出一句：「應攝影要求，撥一撥啲頭髮呀，遮住件衫就唔好啦！係嘞，Juliana你自己可唔可以輕撥你啲頭髮呢？」開聲要求郭珮文撥開遮住上圍的頭髮。
不過，郭珮文就只輕輕撥一撥頭上分界的長髮，未有理會司儀陸浩明提出的要求。接著，台下有傳媒大聲呼叫：「唔夠啊！唔夠！唔夠！」聽懂訴求的郭珮文就頓時尷尬笑一笑，而司儀陸浩明再推波助瀾加一句：「你想佢全面撥後（頭髮）？遮住咗，好啦Juliana你決定嘞，大家盛意拳拳，呢個都係表演嚟㗎，Juliana你介唔介意將啲頭髮撥埋上去？」。
面露難色的郭珮文瞬即擰向司儀陸浩明一方，一邊再撥起分界的長髮，一邊反了一個白眼示意拒絕，但司儀陸浩明依舊窮追猛打，再提出要求：「或者唔洗撥後，撥過啲啊一係，撥過啲都得」。此刻的郭珮文已收起剛才一出場燦爛的笑容，不禁黑面，展示嚴肅一面。
事後，郭珮文接受訪問時就談到拒絕撥開頭髮一事，表示「我嘗試撥開頭髮㗎啦，但係其實可能佢哋嘅意思係要撥開啲，咁樣可以露得多啲，但係因為髮型師幫我整好咗，所以我都唔夠膽亂咁…」。
點擊圖片放大
圖片來源：節目截圖
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
